Page 97 - design_Topcubashov_Full_Layout 1

...Xalqımızın müstəqil yaşayacağına inanırdıq

17 Oktyabr manifestini böyük entuziazmla qarşılamalıdırlar.
Çünki qeyd edilәn sәnәd, sözün hәqiqi mәnasında, mәnәvi-
әxlaqi zülmdәn azad olmağın müjdәsidir.
Tәkrar edirik: burada mәsәlә işin xalis dini tәrәfindә
deyil. Әksinә, elan olunmuş vicdan azadlığı müsәlmanlar
üçün ilk növbәdә indiyә qәdәr mәhz dini zәmindә aparılan
ayrı-seçkiliyi aradan qaldırdığına görә qiymәtlidir. Bundan
sonra müsәlmanların qarşısında da ümumvәtәndaş vә siyasi
azadlıqlar zәminindә ağıllı sosial-siyasi hәyat üçün ortaq
meydan açılır.
Şübhә yoxdur ki, Rusiyanın digәr xalqları kimi, müsәl -
manlar da azadlıq hәrәkatına töhfәlәrini verәcәklәr. Bu, ilk
növbәdә özünü onların yeniliklәrә rәğbәtli münasibәtindә
göstәrir. İnanırıq ki, ölkәnin müsәlman әhalisinin ümumi iş
uğrunda şәrәfli mübarizә başlayan vә prosesi 17 Oktyabr
manifestinә qәdәr gәtirib çıxaran qabaqcıl rus adamları ilә
hәmrәy fәaliyyәti davam edәcәkdir.
Doğrudur, ümumi şәkildә götürüldükdә, müsәlman 97
kütlәlәri hәlә çox geridә qalırlar. Müsәlmanlar uzun müddәt
tәcrid şәraitindә yaşayıblar. Lakin mülki vә siyasi azadlıqların
münbit başlanğıcı öz-özlüyündә o qәdәr hәyati vә canlıdır
ki, xalq kütlәlәri onların timsalında böyük mәktәb tapacaq.
Layiqli mövcudluq üçün zәruri olan nemәtlәrin axtarışına
çıxmaqda çox da lәngimәyәcәk.
Mәdәni inkişafın nisbәtәn aşağı pillәsindә dayanan,
amma böyük şövqlә, çevikliklә mülki vә siyasi azadlıqların
mәğzini, mәnasını qısa zamanda anlayıb qiymәtlәndirәn
xalqların tәcrübәsi yuxarıda söylәdiklәrimizin әn gözәl
tәsdiqidir. Әlbәttә, istәr müsәlman әhalinin, istәrsә dә rus,
ermәni vә gürcülәrin arasında yeni hәyat şәrtlәrinә rәğbәtlә
yanaşmayanlar tapılacaq. Onlar yaramaz ünsürlәrdir. Belәlәrinә
qarşı dünya bina olandan bәri xeyirlә şәr, işıqla qaranlıq
arasındakı әbәdi vә barışmaz mübarizә kimi fasilәsiz bir
savaş aparmaq lazım gәlәcәk. Ağıllı adam sәrbәst şәkildә