Page 101 - design_Topcubashov_Full_Layout 1

...Xalqımızın müstəqil yaşayacağına inanırdıq

ruhun bәdәnlә, bütün yaramaz insan ehtiraslarının, vәhşi
instinktlәrin mәhәbbәt vә hәqiqәtin böyük prinsiplәri ilә
savaşıdır. Hәr müsәlman özünü belә mübarizәdә sınamalı,
möhkәmlәndirmәli, bu yolla ruhun bәdәn üzәrindә qәlәbәsini
tәmin etmәlidir. Belә daxili mübarizә hәmişә xeyirin şәrә,
işığın qaranlığa zәfәr çalmasına imkan yaradır.
Bütünlükdә hәyata asketik münasibәtә yad olan islamın
qazandığı bu tipli qәlәbәlәr insanı özünütәkmillәşdirmәyә
aparan yeganә hәqiqi yoldur. Vә o müsәlman xoşbәxtdir ki,
bәdәnlә ruhun mübarizәsindәn mәnәn qalib çıxır, Orucluq
bayramını bu sözlәrlә qarşılamaq haqqı qazanır: “Ramazan
ayının otuz günü әrzindә yalnız gündüzlәr yeyib-içmәkdәn
imtina ilә mәhdudlaşmadım, hәm dә Yer üzündә mәhәbbәt
vә hәqiqәtin böyük qanunlarını pozmadan, kimsәyә pislik
etmәdәn, әyri yollara baş vurmadan ailәm vә cәmiyyәt
arasında hәqiqi insan, hәqiqi vәtәndaş kimi yaşamağı mәnә
mәslәhәt görәn vicdanım qarşısında hәrәkәtlәrimi yoxlayıb
özümü sınaqdan çıxardım”. 101
Bu sözlәri deyә bilәcәk xoşbәxtlәrin sayı çoxdurmu?
Milyonlarla Rusiya müsәlmanı arasında belәlәri lap azdır.
Rusiyanın digәr millәtlәri içәrisindә dә bu cür düşünәnlәrin
sayı o qәdәr çox deyil. Hәm dә әsas sәbәb hәr bir rus
vәtәndaşının içәrisindә yaşamağa mәcbur olduğu antisosial
şәrait deyil. Hәtta lәnәtә gәlmiş “yadelli” (“inorodets”) kimi
dünyaya gәlmәk dә suç sayıla bilmәz. İndi artıq çürüyüb
heçliyә qovuşmaqda olan polis-bürokratik rejimi başqa
xalqlarla birlikdә milyonlarla müsәlmanı da elә bir qanunsuzluq
girdabına, pula satılmış idarәçiliyin vә prinsipsiz mәhkәmәlәrin
elә bir hüdudsuz özbaşınalığına atmışdı ki, burada fikrin
hәtta әn cüzi işartıları da mәhv edilirdi. İnsanlarda özünüdәrk
duyğusu, tәşәbbüskarlıq hissi hәr vasitә ilә boğulurdu. Belә
şәraitdә qorxudulmuş, milli simasından mәhrum edilmiş
müsәlmanlar cәhalәt vә ümidsizlik girdabında tam boğulmamaq
üçün olduqca böyük sәylәr göstәrirdilәr. Onlar “vәtәnpәrvәr