Page 102 - design_Topcubashov_Full_Layout 1

Əlimərdan bəy Topçubaşov

missionerlәr”in qәsdәn yaratdıqları süni maneәlәrlә maarifin
hәr bәlaya әlac sayılan hәyatverici nurundan uzaq salınmışdılar.
Müsәlmanlar Rusiyada bütün başqa xalqlarla müqayisәdә
köhnә quruluşun yaramaz qaydalarına daha çox tab gәtirmәli,
iztirab çәkmәli olurdular. Bütün rütbә vә dәrәcәlәrdәn olan
qaragüruhçuların, insana nifrәt ustalarının “qayğı”sı sayәsindә
ictimai mühitin fәzasına bol-bol buraxılan antidini vә antimilli
zәhәrlәr ilk növbәdә onları nәfәs almağa qoymurdu.
Aydın mәsәlәdir ki, belә zәhәrli, boğucu atmosferdә
ruhun bәdәnlә, mәnәviyyatın maddiyyatla qalibiyyәtli
mübarizәsi üçün münbit zәmin yarana bilmәzdi. Ona görә
dә hәr bir müsәlman özünüsınaq, özünәnәzarәt baxımından
nәlәrdәnsә imtinanın dәrin mәnәvi әhәmiyyәtinә baxmayaraq,
әnәnәvi şablon üzrә Orucluğun yalnız zahiri rituallarına
әmәl edirdi. Hәm dә o, Orucluq kimi mühüm mәnәvi amilin
hәqiqi mәna vә mәzmununa necә nüfuz edә bilәrdi ki, Quran
qiraәtindәn vә savadlı molla ilә ünsiyyәt imkanından sadәcә
102 mәhrum idi? Dörd bir yanında yalanın, zorun, zülmün,
qanunsuzluğun, aldanış vә tәqiblәrin hökm sürdüyü bir
şәraitdә o, yüksәk mәnәvi ideallara necә qovuşa bilәrdi?
Xalq taleyinin tapşırıldığı şәxslәrin qanunların pozulmasında
öndә getdiklәrini, mәhz onların әhalini satqınlığa, yalançı
şahidliyә öyrәtdiklәrini, insanları zorla cinayәtә sürüklәdiklәrini
görәndә Orucluğun qutsallığı ideyasının arxasında dayanmaq
vә bunu gerçәyә çevirmәk asan idimi?
Bütün Rusiya vәtәndaşlarının hәyatlarının yenilәnmәsi
vә tәbii ki, daha da tәkmillәşmәsi üçün hәqiqi imkanı yalnız
köhnә rejimin çürümüş dayaqlarını kökündәn qoparıb atmağı
başlıca hәdәfi sayan azadlıq hәrәkatı yarada bilәrdi.
Ona görә deyә bilәrik ki, müsәlmanlar üçün dә әsl
dirçәliş erası başlanmışdır. İndi onlar daha asan vә sәrbәst
şәkildә, daha tәmiz hava ilә nәfәs almaq imkanı qazanıblar.
Belә şәraitdә bizim müsәlmanların ümdә borcu mövcud
vәtәndaş vә siyasi azadlıqlar zәminindә ictimai hәyatlarının
tam şәkildә yenidәn qurulmasına başlamaqdır.