Page 677 - design_Topcubashov_Full_Layout 1

İzahlar və şərhlər

illәrindә Azәrbaycan KP MK-nın vә respublika hökumәtinin rәsmi
orqanı olmuşdu.
568
“Bakı fәhlә, әsgәr vә matros deputatları sovetinin xәbәrlәri”
(“Известия бакинского совета рабочих, солдат и матросов”)
– 1917-ci il martın 30-dan (yeni üsulla aprelin 12-dәn) 1918-ci il
iyulun 31-nә qәdәr Bakıda rus, Azәrbaycan vә ermәni dillәrindә
daşnak yönümlü Bakı Sovetinin mәtbu orqanı kimi nәşr olunan
gündәlik ictimai-siyasi qәzet. Әsasәn, bolşevik-daşnak ideyalarını
tәbliğ edirdi.
569 Srvantstyan Amazasp (1873–1921) – ermәni terrorçusu, daşnak.
1905–1906-cı illәrdә azәrbaycanlılara qarşı soyqırımda fәal iştirak
etmiş, çar hökumәti tәrәfindәn 15 illik Sibir katorqasına göndәrilmişdi.
1918-ci ildә 3500 nәfәrlik ermәni silahlı bandasının başında Bakı
uğrunda savaşda türk-azәrbaycanlı hәrbi hissәlәrә qarşı vuruşmuş,
amma Mikoyanın yazdığına görә, qorxaqlıq edәrәk döyüş meydanından
qaçmışdı. Çoxsaylı cinayәt әmәllәrinә görә 1921-ci ildә Ermәnistan
hәbsxanalarından birindә linç edilmişdi.
570 Lalayan Stepan (?–1919) – ermәni millәtçisi, daşnak partiyasının
fәalı. 1918-ci ildә Bakıda Mart qırğınının vә Azәrbaycanın bir sıra
bölgәlәrindә milli әlamәtlәrә görә soyqırımın әsas tәşkilatçılarından 677
biri. Fövqәladә İstintaq Komissiyasının qәrarına әsasәn hәbs edilmiş,
Bayıl hәbsxanasında ölmüşdü.
571
“Açıq söz” – әsası 1915-ci ildә Mәhәmmәd Әmin Rәsulzadә
tәrәfindәn qoyulmuş ictimai-siyasi vә әdәbi qәzet. Milli hәrәkata vә
Müsavat partiyasına yaxınlığı ilә seçilirdi.
“Vәhşi diviziya” – Rusiya imperiyasının Birinci Dünya müharibәsinә
572
qoşulması ilә әlaqәdar olaraq, 1914-cü ilin avqustunda formalaşdırılmağa
başlayan, tәrkibinin tәxminәn 90 faizi Şimali Qafqaz vә Zaqafqaziya
müsәlmanlarından ibarәt olan Qafqaz yerli süvari diviziyası. Müharibә
cәbhәlәrindә cәsarәt vә qorxmazlıqlarına görә tezliklә cәsur, qorxmaz
diviziya anlamında işlәdilәn “vәhşi diviziya” adını almışdı.
573 Hüseynqulu xan Naxçıvanski (1863–1919) – Azәrbaycan әsilli
rus sәrkәrdәsi, tam süvari generalı, imperator II Nikolayın şәxsi
yavәri, general-adyudant. Naxçıvan xanı, general-mayor Kәlbәli xan
Naxçıvanskinin oğlu idi. Birinci Dünya müharibәsindә bir sıra uğurli
hәrbi әmәliyyatlar aparmış qvardiya süvari korpusuna komandanlıq
etmişdi. Hәrbi şücaәtinә görә 15 rus, 9 xarici ordenlә tәltif olunmuşdu.
1919-cu ildә hәbs olunmuşdu. Sonrakı taleyi bәlli deyil. Böyük
ehtimalla, bolşeviklәr tәrәfindәn güllәlәnmişdir.