Page 670 - design_Topcubashov_Full_Layout 1

İzahlar və şərhlər

502 Kovalevski Maksim Maksimoviç (1851–1916) – rus alimi,
hüquqşünas, tarixçi, sosioloq. Rusiya İmperator EA-nın akademiki.
İnqilabdan әvvәlki rus mason hәrәkatının tanınmış nümayәndәlәrindәn
biri idi. I Dövlәt Dumasının tәrkibinә vә Dövlәt Şurasına seçilmişdi.
503 “Strana” – M.M.Kovalevskinin vә professor İ.İ.İvankovun redaktәsi
altında 1906-cı ildәn etibarәn nәşr olunan gündәlik siyasi, ictimai,
mәdәni vә iqtisadi qәzet.
504
Robinov Maks (Robinoff Max, 1877–1966) – yәhudi mәnşәli
amerikan iqtisadçısı vә maliyyәçi. 1919-cu ilin sentyabrında Azәrbaycan
nümayәndә heyәtinin iqtisadi mәsәlәlәr üzrә müşaviri tәyin olunmuş
vә bu barәdә müvafiq müqavilә bağlanmışdı. Eyni zamanda heyәt
adından ABŞ-da Azәrbaycan üçün uzunmüddәtli kredit vә güzәştli
borclar almaq üçün danışıqlar aparırdı.
505 Çandler (Chandler Walter Marion, 1867–1935) – ABŞ hüquqşünası
vә siyasәtçisi. 1912–1923-cü illәrdә Konqresin Nümayәndәlәr Pala -
ta sının üzvü. 1919-cu il sentyabrın 25-dә Ә.Topçubaşovla imzalanmış
müqavilәyә әsasәn, ABŞ-da Azәrbaycan nümayәndә heyәtinin rәsmi
tәmsilçisi, habelә Vaşinqtonda Azәrbaycan Respublikasının maraqlarının
qorunması üzrә müşavir tәyin edilmişdi.
506 L`Europe Orientale – Parisdә 1918–1921-ci illәrdә çap olunan
670
siyasi, iqtisadi vә elmi-populyar illüstrasiyalı jurnal. Sәhifәlәrindә
Azәrbaycan Cümhuriyyәti ilә bağlı bir sıra materiallar dәrc etmişdi.
507 Ernst Nobel – burada söhbәt, çox güman ki, Emil Lüdviq Nobeldәn
(1885–1951) gedir.
508 Azov-Don bankı – Rusiya imperiyasının 1874–1917-ci illәrdә
fәaliyyәt göstәrmiş әn böyük kommersiya banklarından biri. 1871-ci
ildә Taqanroqda tәsis edilmişdi. 1917-ci ildә Rusiyada 70-dәn çox
şöbәsi vardı. Lakin bolşeviklәr hakimiyyәtә gәlәn kimi RSFSR Xalq
Komissarları Soveti 1917-ci ildә digәr qeyri-dövlәt bankları ilә birlikdә
Azov-Don bankının da fәaliyyәtini dayandırmış, 1918-ci ilin yanvarında
isә onun bütün aksioner kapitalını Rusiya Dövlәt Bankının xeyrinә
müsadirә etmişdilәr. Tәbii ki, Topçubaşov bundan xәbәrsiz idi.
509 Gegeçkori Yevgeni Petroviç (1881–1954) – gürcü siyasi xadimi,
menşevik. Fevral inqilabından sonra gürcü sosial-demokrat partiyasının
lideri. 1917-ci ildә Zaqafqaziya komissarlığının başçısı. 1918–1921-ci
illәrdә Gürcüstanın xarici işlәr naziri. 1952–1954-cü illәrdә mühacirәtdәki
gürcü hökumәtinin baş naziri.
Standart Oil Company – monopoliya tipli amerikan neft şirkәti.
510
Neftin çıxarılması, daşınması, emalı vә marketinqi ilә mәşğul olurdu.