Page 660 - design_Topcubashov_Full_Layout 1

İzahlar və şərhlər

422 Korqanov Qavriil Qriqoryeviç (1880–1954) – ermәni әsilli rus
generalı. 1918-ci ildәn sonra Ermәnistan Respublikası ordusunda
xidmәt edirdi. Paris sülh konfransında ermәni nümayәndә heyәtinin
hәrbi mәsәlәlәr üzrә müşaviri olmuşdu. Hәyatını siyasi mühacir kimi
Fransada başa vurmuşdu.
423
Lord Hardinq (Hardinge Charles, 1858–1944) – ingilis diplomatı
vә dövlәt xadimi. Rusiya vә İrandakı Böyük Britaniya sәfirliklәrindә
çalışmış, 1904-cü ildә Peterburqda İngiltәrәnin ilk fövqәladә vә
sәlahiyyәtli sәfiri olmuş, daha sonra eyni missiyanı ABŞ-da davam
etdirmişdi. 1912–1916-cı illәrdә Hindistanın vitse-kralı olmuş, 1916-cı
ildә yenidәn diplomatik xidmәt sahәsinә qayıdaraq Fransaya sәfir
tәyin edildiyi 1920-ci ilә qәdәr Xarici İşlәr Nazirliyinin Dövlәt katibi
(nazirin birinci müavini) kimi fәaliyyәt göstәrmişdi.
424
Lord Kerzon (Curzon George Nataniel, 1859–1925) – lord,
tanınmış ingilis sәyyahı, publisist, dövlәt xadimi. Hindistanın vitse-
kralı (1899–1906), Böyük Britaniya xarici işlәr naziri (1919–1924),
lordlar palatasının lideri (1916–1925) kimi mühüm vәzifәlәr tutmuş,
İngiltәrәnin, qismәn dә Avropanın Birinci Dünya müharibәsi vә
müharibәdәn sonrakı dövrdә xarici siyasәtini müәyyәn edәn nüfuzlu
660 siyasәtçi kimi tanınmışdı.
425 Broşe (Brocher Martin) – isveçrәli qafqazşünas-alim, professor.
1919–1923-cü illәrdә Azәrbaycan nümayәndә heyәti ilә yaxından
әmәkdaşlıq etmiş, mәslәhәtçi, bir sıra hallarda isә tәrcümәçi vәzifәsini
öz üzәrinә götürmüşdü. Azәrbaycan haqqında fransız dilindә çap
olunmuş mәqalәlәrin müәllifidir.
426
Vilson (Wilson Henry, 1864–1922) – ingilis hәrbçisi, feldmarşal,
Birinci Dünya müharibәsinin iştirakçısı. 1917-ci ildә Böyük Britaniya
baş naziri Lloyd Corcun hәrbi mәsәlәlәr üzrә müşaviri, sonra isә
Paris sülh konfransının Ali Hәrbi Şurasında İngiltәrәnin daimi
nümayәndәsi olmuşdu. 1918–1922-ci illәrdә Britaniya silahlı
qüvvәlәrinin Baş Qәrargah rәisi idi.
427 Bitti Devid (Beatty David, 1871–1936) – Britaniya hәrbçisi,
donanma admiralı. Birinci Dünya müharibәsinin iştirakçısı. 1919–1927-ci
illәrdә İngiltәrә hәrbi donanmasının komandanı olmuşdu.
428 Çiçerin Georgi Vasilyeviç (1872–1936) – rus inqilabçısı, sovet
diplomatı, 1918–1930-cu illәrdә PSFSR vә SSRİ xalq xarici işlәr
komissarı. 1920-ci ilin yanvarında Azәrbaycan Cümhuriyyәti hökumәtini
Denikinlә mübarizәdә әlbir fәaliyyәtә cәlb etmәyә çalışsa da, tәşәbbüsü
uğursuzluqla nәticәlәnmişdi.