Page 658 - design_Topcubashov_Full_Layout 1

İzahlar və şərhlər

404 Sereteli İrakli Georgiyeviç (1881–1959) – gürcü siyasәtçisi vә
dövlәt xadimi. II Dövlәt Dumasının üzvü. 1917-ci ildә Müvәqqәti
hökumәtin poçt vә teleqraf naziri. Gürcüstan Demokratik Respublikasının
liderlәrindәn biri. Paris sülh konfransında gürcü nümayәndә heyәtinin
üzvü. Siyasi mühacir.
405 Şeptitski Roman Mariya Aleksandr (1865–1944) – Ukrayna din
xadimi, qraf. Siyasi vә dini dairәlәrdә daha çox Mitropolit Andrey
kimi tanınır. Ukraynanın Rusiyadan ayrılmasının tәrәfdarlarından
biri.
406
Qruşevski Mixail Sergeyeviç (1866–1934) – Ukrayna tarixçisi,
ictimai-siyasi xadim, inqilabçı. Ukrayna milli hәrәkatının liderlәrindәn
biri. 1918-ci ildә Ukrayna Mәrkәzi Radasının sәdri. Müasir Ukrayna
tarixşünaslığının yaradıcısı. Ukrayna SSR vә SSRİ EA-nın hәqiqi
üzvü seçilmişdi.
407 Vinniçenko Vladimir Kirilloviç (1880–1951) – Ukrayna inqilabçısı,
ictimai-siyasi xadim, yazıçı, dramaturq, rәssam. 1917–1918-ci illәrdә
Ukrayna Xalq Respublikası Direktoriyasının üzvü.
Әliqulu xan Әnsari (1875–1938) – Qacar sülalәsi dövründә İran
408
siyasi xadimi vә diplomat. Müşavirül-Mәmalik adı ilә dә tanınır.
Milliyyәtcә Azәrbaycan türkü idi. İranın Osmanlı imperiyasında vә
658 Rusiyada sәfiri olmuşdu. 1916–1919-cu illәrdә xarici işlәr naziri.
Paris sülh konfransında İran nümayәndә heyәtinin sәdri.
409
Haşım bәy Mәmmәdov – İstanbulda vә Paris sülh konfransında
Azәrbaycan nümayәndә heyәtinin әmәkdaşı, türk vә fransız dillәrindәn
tәrcümәçi.
410 Daneş bәy Mirzә Rza Әrfәüddövlә (1853–1937) – Azәrbaycan
әsilli İran diplomatı, ictimai-siyasi xadim, tanınmış şair vә alim.
İranın Tiflisdә baş konsulu, Peterburqdakı İran sәfirliyinin sәlahiyyәtli
naziri. Mәşrutә inqilabı dövründә әdliyyә naziri vәzifәsini tutmuşdu.
İran nümayәndә heyәtinin tәrkibindә Paris sülh konfransında iştirak
etmiş, Azәrbaycan heyәtinә yaxınlığı vә dost münasibәti ilә seçilmişdi.
411
Mirzә Hәsәn xan Müşirülmülk – İran diplomatı, XX әsrin
әvvәllәrindә İranın Bakıdakı baş konsulu.
412 Nәsib bәy Yusifbәyli (1881–1920) – Azәrbaycan siyasәtçisi,
ictimai vә dövlәt xadimi. 1918–1920-ci illәrdә Zaqafqaziyanın vә
Azәrbaycanın tanınmış liderlәrindәn biri. Azәrbaycan Cümhuriyyәti
hökumәtinin xalq tәhsil naziri (may, 1918 – mart, 1919), üçüncü vә
dördüncü hökumәt kabinetlәrindә baş nazir (mart, 1919 – mart, 1920)
vәzifәsini tutmuşdu. Aprel çevrilişindәn sonra namәlum şәraitdә qәtlә
yetirilmişdi.