Page 644 - design_Topcubashov_Full_Layout 1

İzahlar və şərhlər

296 İstanbuldakı bütün missiyalarımız – hәmin dövrdә dördtәrәfli
danışıqlarda (Osmanlı imperiyası – Azәrbaycan – Gürcüstan –
Ermәnistan) iştirak etmәk, sәrhәd mәsәlәlәrini tәnzimlәmәk, maliyyә
tәminatı, hәrbi әmәkdaşlıq vә s. mәqsәdlәrlә İstanbulda olan Azәrbaycan
heyәtlәri nәzәrdә tutulur.
297 Çakvin malikanәsi – Acarıstanda, Çakva çayı hövzәsindә yerlәşәn
geniş çay plantasiyaları.
298 Yusif İzzәt paşa (Yusuf İzzet, 1875–1922) – Osmanlı hәrbçisi.
Birinci Dünya müharibәsindә 14-cü türk ordusunun komandanı.
İmperiyanın süqutundan sonra milli-azadlıq hәrәkatına qoşulmuşdu.
299 Ömәr Cәmil paşa (Omer Cemil, ?–1925) – Osmanlı hәrbi
xadimi, general. Türk ordusunun tәrkibindә Qafqaz cәbhәsindә ruslara
qarşı vuruşmuşdu.
300
Xәlil bәy Menteşe (Halil Menteşe, 1874–1948) – Osmanlı
imperiyası vә Türkiyә Cümhuriyyәtinin siyasi vә dövlәt xadimi.
Osmanlı sәdrәzәmi (1913–1914), xarici işlәr naziri (1915–1917),
әdliyyә naziri (fevral, 1917 – oktyabr, 1918). Cümhuriyyәt dövründә
IV, V, VI, VII çağırışlar Türkiyә Böyük Millәt Mәclisinә seçilmişdi.
301 Әhmәd Tevfik Oktay (Ahmet Tevfik Oktay, 1845–1936) –
Osmanlı imperiyasının dövlәt xadimi, diplomat. Dörd dәfә hökumәt
644
kabineti formalaşdırmış, sәdrәzәm olmuşdu. İmperiyanın sonuncu
sәdrәzәmi sayılır.
302
Әhmәd İzzәt Furkaç (Ahmet İzzet Furkaç, 1864–1937) –
Osmanlı hәrbi vә dövlәt xadimi. 1908–1914-cü illәrdә Osmanlı
ordusunun baş qәrargah rәisi. 1918-ci ilin oktyabr-noyabr aylarında
(cәmisi 25 gün) sәdrәzәm – baş nazir postunu tutmuşdu. Müxtәlif
vaxtlarda hökumәtdә hәrbi nazir, xarici işlәr naziri kimi çalışmışdır.
Sultana sәdaqәt andı içdiyinә görә Atatürkün әmәkdaşlıq dәvәtini
qәbul etmәmişdi.
303 Fәrrux bәy Vәzirov (1857–1920) – azәrbaycanlı mühәndis, iş
adamı, xeyriyyәçi vә ictimai xadim. 1905-ci il inqilabından sonra
milli ziyalılarla birlikdә ictimai-siyasi hәyatda fәal iştirak edirdi. I vә
II müsәlman qurultaylarının iştirakçısı olmuşdu. Bolşeviklәr tәrәfindәn
güllәlәnmişdi.
304
Әli bәy Hüseynzadә (1864–1941) – ictimai xadim, jurnalist,
naşir, publisist, pedaqoq, hәkim vә rәssam. Anadoluda vә Azәrbaycanda
türkçülük cәrәyanının ideya atalarından biri. Milli düşüncәdә böyük
dönüş yaradan “Hәyat” qәzetinin vә “Füyuzat” jurnalının redaktoru.
1918-ci ilin dekabrında Azәrbaycan Parlamentinin qәrarı ilә müşavir