Page 642 - design_Topcubashov_Full_Layout 1

İzahlar və şərhlər

278 Әbdül Kәrim paşa (?–1923) – Osmanlı imperiyasının hәrbi
xadimi, müşir (marşal). Birinci Dünya müharibәsi zamanı Qafqaz
cәbhәsindә türk qoşunlarının komandanı. Gürcüstanda diplomatik
nümayәndә.
279 Mehmet Ali paşa – Osmanlı imperiyasının hәrbi xadimi, müşir
(marşal). 1918-ci ilin avqustundan 1920-ci ilin noyabrına qәdәr
Ermәnistanda öz dövlәtinin diplomatik nümayәndәsi olmuşdu.
280 Mәmmәd Yusif Cәfәrov (1885–1938) – azәrbaycanlı siyasәtçi,
dövlәt xadimi, IV Dövlәt Dumasının üzvü. Müvәqqәti hökumәtin
yaratdığı Qafqazın idarә olunması üzrә xüsusi komitәnin dörd
üzvündәn biri, Zaqafqaziya komissarlığının sәnaye vә ticarәt naziri,
Gürcüstanda diplomatik nümayәndә, Azәrbaycan Cümhuriyyәti xarici
işlәr naziri. 1920-ci il aprelin 27-dә hakimiyyәtin bolşeviklәrә verilmәsi
haqqındakı protokolu imzalamışdı.
281 Mәmmәdrza Vәkilov (1866–1943) – tanınmış hәkim vә ictimai
xadim. Azәrbaycan Milli Şurasının vә Azәrbaycan Parlamentinin
üzvü. Bakıda pulsuz sәhiyyә xidmәtinin ilk tәşkilatçılarından biri.
282 Xudadat bәy Mәlik-Aslanov (1879–1935) – azәrbaycanlı dövlәt
xadimi, texnika sahәsindә alim. Zaqafqaziya komissarlığında vә
642 Azәrbaycan Cümhuriyyәtinin bütün hökumәt kabinetlәrindә yol
nәqliyyatı naziri. Azәrbaycanda Stalin repressiyasının ilk qurbanlarından
biri olmuşdu.
283 Әsәd paşa (Esat paşa, 1862–1952) – Osmanlı hәrbi xadimi, ordu
generalı. Birinci Dünya müharibәsindә Türkiyәnin Qafqaz cәbhәsindәki
III ordusunun komandanı olmuşdu.
284 Süleyman Әfәndiyev (1863–1919) – çar ordusunun vә Azәrbaycan
Cümhuriyyәti Milli Ordusunun zabiti. General-mayor. Milli ordu
hissәlәrinin tәşkilindә böyük rolu olmuşdu.
285 Mahmud bәy Әfәndiyev – hәkim, ictimai xadim, 1918–1920-ci
illәrdә Batumda Azәrbaycan konsulu.
286 Almanların yeni müqavilәsi – Sovet Rusiyası ilә Almaniya
arasında 1918-ci il avqustun 17-dә imzalanmış әlavә müqavilә nәzәrdә
tutulur.
287 Tәlәt paşa (Mehmet Talat, 1874–1921) – Osmanlı imperiyasının
siyasi vә dövlәt xadimi, Gәnc türklәr hәrәkatının, habelә İttihad vә
Tәrәqqi partiyasının liderlәrindәn biri. II Sultan Әbdülhәmidin
devrilmәsindәn sonra 1909–1913-cü illәrdә ittihadçılar hökumәtindә
daxili işlәr naziri, 1917–1918-ci illәrdә isә sәdrәzәm olmuşdu. Berlindә
ermәni terrorçusu tәrәfindәn qәtlә yetirilmişdi.