Page 551 - design_Topcubashov_Full_Layout 1

...Xalqımızın müstəqil yaşayacağına inanırdıq

MӘHӘMMӘD ӘMİN RӘSULZADӘYӘ

4/14/15 aprel 1924-cü il
St. Cloud

Çox hörmәtli Mәhәmmәd Әmin!
Çox böyük kәdәrlә Bakıda qurbanları arasında bu dәfә
bir sıra digәr şәxslәrlә birlikdә şair Әhmәd Cavadın 604 vә
Әli Yusifin 605 olduğu yeni hәbslәr haqqında eşitdim. Hәr
ikisinә ürәkdәn heyifsilәnirәm. Yaxşı yadımdadır ki, Әli
Yusifi şәrin, pisliklәrin, intiqam vә yalanın hökm sürdüyü
yerә getmәmәsi üçün nә qәdәr dilә tutmuşdum...
Tәәssüflәnmişdim ki, hәqiqәtәn dә, çox faydalı ola bilәcәyi
vә bunu iki dәfә әmәli surәtdә göstәrdiyi nümayәndә heyәtindә
onu daimi işlә tәmin etmәk üçün heç bir imkanım yoxdur.
Deyәsәn, sonda onu geri qayıtmaqdan çәkindirmәk üçün
başqa bir tutarlı dәlil-sübutum qalmamışdı. Nәticәdә, bütün 551
işlәrindә çox ehtiyatlı davranacağı ilә bağlı söz verib Bakıya
döndü. Zavallı gәnc unutdu ki, vәhşi stixiyanın dağıdıcı
qüvvәsi qarşısında heç bir ehtiyatlılıq kömәk edә bilmәz!
Vә qarşısına çıxan hәr şeyi mәhv edәn rus bolşevizmi adlı
bu dәhşәtli qara qüvvә yaxın gәlәcәkdә dә hәrәkәtini eyni
tәrzdә davam etdirsә, o zaman Azәrbaycanın bütün ziyalılarının,
bütün gәnclәrinin mәhv edilәcәyindәn, hәqiqәtәn dә, tәlaşa
düşmәk olar. Belәcә, ölkәni tam başsız qoymaq, onu daha
güclü şәkildә öz әsarәtinә tabe etmәk – haqqımızı tapdalayan
işğalçı-zülmkarların xüsusi sinizmlә can atdıqları son hәdәf
budur.
Tәsәlli vermәk üçün yazmıram, amma tәsvir etdiyim
dәhşәtli mәnzәrәni tamamlamaq üçün bildirmәliyәm ki,
qonşu Gürcüstanda repressiyalar daha qorxunc şәkil alır,
fәhlә vә kәndlilәrә, xüsusәn dә ziyalılara amansızlıqla divan
tutulur. Hәm dә bütün әlamәtlәrindәn dә aydın göründüyü