Page 525 - design_Topcubashov_Full_Layout 1

...Xalqımızın müstəqil yaşayacağına inanırdıq

hәqiqi müdafiәçisi sayırdılar. Yaşadıqları küçә vә mәhәllәlәrin
abadlaşdırılması, bazarlarda qayda-qanun yaradılması,
vergilәrin toplanmasında düzgünlük vә әdalәtin gözlәnilmәsi
vә s. mәsәlәlәrlә әlaqәdar xahişlәri nәzәrә alınmayanda
onlar ya ayrı-ayrılıqda, ya da kollektiv şәkildә Hәsәn bәyә
şikayәt mәktubları ünvanlayırdılar. Bu adamlar yaxşı bilirdilәr
ki, xahişlәri cavabsız qalmayacaq, Hәsәn bәy dumanın әn
yaxın iclaslarının birindә idarәlәrә sorğu göndәrәcәk,
çәkinmәdәn günahkarın adını söylәyәcәk vә tezliklә qayda-
qanun yaradılmasına nail olacaq.
Vә onlar gümanlarında yanılmırdılar. Hәqiqәtәn dә,
Hәsәn bәyә ünvanlanan müraciәtlәrin heç biri diqqәtdәn
kәnarda qalmır, hamısına cavab verilirdi. Nәticәdә, şәhәr
idarәsi daha çox inanmağa başladı ki, Hәsәn bәyin – bu
“xırdaçı” qlasnının idarәçilik orqanlarının fәaliyyәtinә tәnqidi
münasibәti hikkә vә әsәbiliyindәn deyil, vәziyyәti, az da
olsa, yaxşılığa doğru dәyişmәklә bağlı sәmimi istәyindәn
irәli gәlir. Şәhәr idarәsi vә ümumәn hakimiyyәtdә tәmsil
525
olunanlar әhalinin әksәr hissәsinin Hәsәn bәyin arxasında
dayandığını, onun ictimai fikirdә özünә çoxlu tәrәfdarlar
topladığını, tәnqid vә sәrt ittihamlarının da buradan
qaynaqlandığını görmәyә bilmәzdilәr.
Dumaya seçildiyi dövrdәn etibarәn şәhәr hәyatı ilә bağlı
әksәr daxili vә xarici sәciyyәli tәşәbbüslәr Hәsәn bәyin adı
vә yorulmaz fәaliyyәti ilә sıx bağlı olmuşdu. Belә tәşәbbüslәr
sırasına şәhәrdәki bağçaların sahmana salınması, Dәnizkәnarı
Bulvarın yenidәn qurulması vә s. daxil edilә bilәr. Әn çox
diqqәt çәkәn cәhәt isә Hәsәn bәyin Bakı әhalisinin
maariflәnmәsi yolunda gördüyü uğurlu işlәr idi. Yalnız
fәaliyyәtinin tәk bu sahәsi onun xatirәsinin hәmişә böyük
ehtiramla yad edilmәsinә kifayәtdir. Hәm dә Hәsәn bәy
sadәcә xalq maarifi sahәsindә çalışmaqla kifayәtlәnmirdi.
O, könüllü şәkildә hәm oğlan, hәm qız uşaqlarının tәlim-
tәrbiyәsi işinә mәnәvi rәhbәrlik kimi çәtin vә mәsuliyyәtli
bir işi dә öz öhdәsinә götürmüşdü.