Page 524 - design_Topcubashov_Full_Layout 1

Əlimərdan bəy Topçubaşov

dumada mәhz fikir vә rәylәri ilә heç kәsin hesablaşmadığı
belә insanların müdafiәçisi olaraq qaldı.
Hәsәn bәy iclaslarda әlindәki rәqәm vә faktlara әsaslanaraq
şәhәr idarәsini, onun tabeliyindәki orqanların fәaliyyәtini
haqlı vә kәskin tәnqid atәşinә tuturdu. Şәhәr rәhbәrliyini
yalnız varlıların istәk vә iradәsinә uyğun hәrәkәt etmәkdә,
yalnız imkanlı adamların yaşadıqları mәrkәzi hissәni
abadlaşdırmaqda, başqa mәhәllәlәrә, xüsusәn dә yoxsul
daxmalarının yerlәşdiyi ucqarlara әsla diqqәt yetirmәmәkdә,
burada yol çәkilmәsinә, mәktәb vә xәstәxanalar tikilmәsinә,
abadlıq vә işıqlandırma işlәrinә, nәqliyyat tәminatına әhәmiyyәt
vermәmәkdә günahlandırırdı. O yalnız memarların,
mühәndislәrin irәli sürdüklәri gәrәkli, faydalı tәklif vә
layihәlәri tәriflәmәklә vәzifәsini bitmiş saymırdı. Şәhәrin
diqqәtdәn kәnarda qalan kasıb, ucqar mәhәllәlәrindә
tәxirәsalınmaz abadlıq işlәri aparılmasını tәlәb edirdi. Dumanın
nadir iclasları Hәsәn bәyin kәskin çıxışları olmadan keçirdi.
Bu çıxışlar әsas etibarilә torpaq sahәlәrinin çox ucuz
524
qiymәtlәrlә Bakı zәnginlәrinә satılması ilә әlaqәdar şәhәr
idarәsinin qәbul etdiyi qәrarlara qarşı çevrilirdi. Dumanın
belә әdalәtsiz addımlarına etirazını bildirәn, qanunverici
hakimiyyәt tәmsilçilәrini xalqla vicdanlı vә insaflı rәftara
çağıran Hәsәn bәy fikirlәrini dәlil-sübutlarla әsaslandıraraq
göstәrirdi ki, torpaqları varlılara su qiymәtinә satan şәhәr
idarәsi kasıblara münasibәtdә tamamilә fәrqli mövqe tutur,
şәhәrin baş planına uyğun gәlmәdiyini bәhanә gәtirib
daxmalarını başlarına uçurur. Әgәr bir tәrәfdәn “Kaspi”
qәzeti, o biri tәrәfdәn isә Hәsәn bәy vә dumanın yoxsulların
maraqlarının müdafiәsindә dayanan Ә.Topçubaşov,
A.M.Benkendorf 587 vә b. kimi bir neçә nәfәr üzvü olmasaydı,
Bakının yüzlәrlә, bәlkә dә, minlәrlә yerli sakinini diş-
dırnaqları ilә qurduqları kasıb evlәrini hәmişәlik itirmәk
kimi әzablı tale gözlәyirdi. Bakının müxtәlif millәtlәrdәn
ibarәt yoxsul, әmәkçi sinfi Hәsәn bәyin xidmәtlәrini unutmur,
dumadakı çıxışlarını yüksәk qiymәtlәndirir, onu özlәrinin