Page 523 - design_Topcubashov_Full_Layout 1

...Xalqımızın müstəqil yaşayacağına inanırdıq

Hәsәn bәy yuxarıda adı çәkilәn mәtbuat orqanlarındakı
olduqca faydalı vә sәmәrәli publisist fәaliyyәti ilә bәrabәr,
Bakı şәhәrinin idarәçilik mәsәlәlәrindә dә yaxından iştirak
edirdi. O, iki dәfә dalbadal dördillik müddәtә Şәhәr Dumasına
üzv seçilmişdi. Jurnalistlik fәaliyyәtindәn dә uzaqlaşmadığı
hәmin sәkkiz ili yorulmaq bilmәdәn, tәmәnna güdmәdәn
ictimai işlәrә sәrf etmişdi. “Kaspi” redaksiyası vә dumanın
binası Hәsәn bәyi hәr zaman görmәk vә tapmaq mümkün
olan әsas yerlәr idi. O, evә yalnız yatmağa gәlirdi. Uşaqlarının
üzünü bәzәn hәftәlәrlә görmürdü. Mәnzilinә, adәtәn, gecәdәn
xeyli keçmiş, duma vә onun çoxsaylı komissiyalarının
iclasları başa çatandan sonra qayıdırdı. Hәsәn bәy iclasların,
demәk olar ki, hamısının işindә iştirak edirdi.
Bakı şәhәrinin ictimai hәyatında elә mәsәlә yox idi ki,
Hәsәn bәy onunla yaxından maraqlanmasın, diqqәtlә
öyrәnmәsin, müxtәlif komissiya iclaslarında vә dumada
müzakirәyә çıxarmağa sәy göstәrmәsin. Hәsәn bәy dumada
müzakirә olunan mәsәlәlәrlә bağlı yazılı mәnbәlәr, geniş 523
faktiki material әsasında әvvәlcәdәn vә çox diqqәtli hazırlaşan
nadir, bәlkә dә, yeganә üzv idi. O, senzli dumada fәaliyyәt
göstәrdiyini, burada üstünlüyü şәhәrin bütün işlәrini öz
әllәrindә saxlayan varlıların tәşkil etdiyini yaxşı başa düşürdü.
Odur ki, hәmişә haqqında danışmaq istәdiyi bütün mәsәlәlәr
barәsindә әtraflı mәlumata malik olmağı, hәr an döyüşә
hazır vәziyyәtdә dayanmağı zәruri sayırdı.
Aydın mәsәlәdir ki, Hәsәn bәy, hәtta istәmәsә belә,
dumanın öz sәrvәtlәrinin, mal vә mülklәrinin keşiyindә
möhkәm dayanmış zәngin tәbәqәni tәmsil edәn üzvlәri ilә
mütlәq qarşı-qarşıya gәlmәli idi. Maddi xarakterli maraqlar
Hәsәn bәyin özünә tamam yad idi. O da kürәkәni Әlimәrdan
bәy Topçubaşov kimi dumaya bir nәfәr bakılının yetim
uşaqlarının himayәçisi olaraq keçmişdi. Özünü yoxsul
tәbәqәnin, hüquqları hakimiyyәt nümayәndәlәri tәrәfindәn
әn çox tapdanan vә şәhәr başçılarından әn az qayğı görәn
әhalinin tәmsilçisi sayırdı. Hәsәn bәy әvvәldәn-axıra kimi