Page 508 - design_Topcubashov_Full_Layout 1

Əlimərdan bəy Topçubaşov

müәlliflәrә dә yüksәk dәyәr verirdi. Yazarların sırasında bir
neçә keçmiş şagirdinin olması isә Hәsәn bәy üçün mәnәvi
qәlәbә kimi xüsusilә әhәmiyyәtli idi. Çox ehtimal ki,
valideynlәri tam tәqdir etmәsәlәr dә, bu gәnclәr ilk dәfә
doğma türk-azәrbaycan dilindә “Әkinçi” sәhifәlәrindә çıxış
etmәk üçün özlәrindә istәk vә cәsarәt tapmışdılar. Milli
ruhlu әsilzadәlәr, bәzi ruhanilәr arasında da “Әkinçi” ilә
әmәkdaşlıq edәnlәr vardı. Hәsәn bәy hәtta ötәri, tәsadüfi
sәciyyә daşısa da, xalq içәrisindәn çıxmış savadlı adamların
qәzetlә işbirliyinә cәlb olunmalarına böyük dәyәr verirdi.
Çünki onlarda daha böyük sәmimiyyәt vә inam görürdü.
Tәbii ki, belә adamlar hәlә sayca çox deyildi. Lakin tәbiәt
etibarilә xalqçı olan Hәsәn bәy hәmin azsaylı adamlarla
işlәmәk, onları tәşviq edib hәvәslәndirmәk üçün bütün qüvvә
vә imkanlarını ortaya qoyurdu. Yerlәrdәki müxbirlәrin mәktub
vә mәlumatlarına dil, imla qüsurlarına baxmayaraq, dәrhal
qәzetdә yer verirdi. Üstәlik, redaksiya onlara minnәtdarlığını
bildirir, әmәkdaşlığı davam etdirmәyә çağırırdı.
508

* * *
Xalq içәrisindәn çıxmış müәlliflәri “Әkinçi”dә çap
olunmağa hәvәslәndirmәklә Hәsәn bәy kütlә arasında daha
etibarlı mövqe qazanmaq, cәmiyyәti qәzetdә toxunduğu
mәtlәblәrlә daha yaxından maraqlandırmaq istәyirdi. O,
“Әkinçi”ni Azәrbaycan xalqının yalnız nüvәsini deyil, hәm
dә әsas istiqamәtverici gücünü tәşkil edәn kәndli sinfinin
maraq vә mәnafelәrinin müdafiәsinә yönәlmiş tam xәlqi
mahiyyәtli hәqiqi kәndli tribunasına çevirmәklә bağlı
niyyәtlәrini heç zaman gizlәtmirdi.
İkiillik mövcudluğu әrzindә “Әkinçi”, hәqiqәtәn dә,
doğma xalqın salnamәsi özәlliyini qazanmışdı. Qәzet tәmiz,
lәkәsiz güzgü kimi tәmsil etdiyi millәti bütün tәbii keyfiyyәt
vә çatışmazlıqları, zәngin mәdәni keçmişi, Şәrqin böyük
tarixi yolundakı bütün qәhrәmanlıq vә faciәlәri, yad qüvvәlәrin