Page 420 - design_Topcubashov_Full_Layout 1

Əlimərdan bəy Topçubaşov

hәyatındakı bütün müsbәt yeniliklәr, mәdәni tәşәbbüslәr,
qanuni sәrәncamlar, dövlәtçiliyin bütün tәzahürlәri, ölkәnin
mәnafeyinә xidmәt edәn hәr cür şәxsi binagüzarlıqlar –
bunlar hamısı buradakı fәaliyyәtimiz üçün müsbәt hallardır
vә bizә Azәrbaycanın müstәqilliyini daha cәsarәtlә müdafiә
etmәk haqqı verir.
Doğrudur, bizi hәlә dövlәt kimi tanımırlar. Lakin getdiyimiz
hәr yerdә hamıya artıq il yarımdan bәri dövlәt kimi faktiki
mövcud olduğumuzu bildirir, öz parlamenti, hökumәti,
inzibatçılığı, mәhkәmәsi, mәktәblәri, ordusu olan Azәrbaycanın
müstәqil yaşadığını göstәririk. Azәrbaycan bolşeviklәrlә
amansız mübarizәyә tab gәtirib. Demәli, azәrbaycanlılar
hәyat qabiliyyәtinә malik xalqdır vә müstәqil dövlәt qura
bilәrlәr. Gücümüz çatdığı qәdәr, hәtta çatmasa belә, mövcud
vәziyyәti qoruyub saxlamaq, bu özünütәsdiqi mühafizә
etmәk lazımdır. Biz istәrdik ki, hamı, hәr bir şәxs, bütün
xalqımız indi müstәqil ictimai-siyasi vә iqtisadi mövcudluq
qabiliyyәtimizi sübut etmәk üçün imtahan verdiyimizi yaxşı
420
başa düşsün.
İnanıram ki, buna gücümüz çatacaq. Çünki xalqımız,
doğrudan da, qabiliyyәtlidir, ölkәmiz tәbii sәrvәtlәrlә zәngindir.
İndiyә qәdәr әxlaqi başlanğıca әsaslanan siyasi mәktәbimiz
olmadığından geniş xalq kütlәlәrinin öz gәnc dövlәtinin
müәssisә vә qurumlarından nümunә götürmәsi, yaşadığımız
sınaq anının tam ciddiyyәtini dәrk etmәsi çox zәruridir.
Paytaxt vә rәhbәr xadimlәr – bax, Azәrbaycana bütün varlığı
ilә xidmәt etmәyin nümunәsini geniş xalq kütlәlәrinә onlar
göstәrmәlidir. Ümumi borc xalqı sәfәrbәr etmәk, onu müstәqil
mövcudluq ideyası әtrafında sıx birlәşdirmәkdir. Çünki artıq
şüurlarda geriyә dönüş üçün yer olmadığına, ola da
bilmәyәcәyinә әminik. Qarşımızda yalnız bir yol var, o da
Azәrbaycanın müstәqilliyinә aparan yoldur!
Bu yolu tәhlükәsiz keçmәk üçün ilk növbәdә ölkәnin
daxili vәziyyәtini sahmana salmaq vә möhkәmlәndirmәk
zәruridir. Ölkәnin özündә, onun inzibati qurum vә