Page 414 - design_Topcubashov_Full_Layout 1

Əlimərdan bəy Topçubaşov

III
Azәrbaycan Demokratik Respublikası qonşu fars dövlәti
ilә siyasi vә iqtisadi әlaqәlәr yaradır. Әlaqәlәrin әsasları vә
formaları, habelә onların icra yolları Azәrbaycan vә İran
hökumәtlәrinin qarşılıqlı razılığı әsasında hәr iki ölkәnin
parlamentlәrinin bәyәnib tәsdiq etmәsi şәrti ilә işlәnib-
hazırlanır vә müәyyәnlәşdirilir. Hәm dә bu zaman fars vә
Azәrbaycan hökumәtlәrinin xarici işlәr sahәsindә әlaqәlәrinin
birlәşdirilmәsi mәqsәdәuyğun sayılır.

IV
Yuxarıdakı 1-ci vә 2-ci maddәlәrdә göstәrilәn mәqsәdlәrә
nail olmaq üçün Azәrbaycan Respublikası dövlәt
müstәqilliyinin tanınması baxımından İngiltәrәnin fәal
kömәyinә ehtiyac duyur. Azәrbaycan Respublikasının әrazi
bütövlüyü vә müstәqilliyinә qarşı yönәlmiş hәr hansı qәsddәn
qorunması, siyasi, iqtisadi, mәdәni vә hәrbi inkişafına nail
414 olunması baxımından bu dövlәtә dә İrana göstәrilәn formada
yardım göstәrilmәsi mәqsәdәuyğun hesab edilir.

Qeyd olunan dörd maddә bir-biri ilә sıx şәkildә bağlıdır
vә lazımi yerә Azәrbaycan Respublikası nümayәndә heyәtinin
özü tәrәfindәn çatdırılıb. İran nümayәndәlәri hәmin maddәlәri
qәbul edib vә artıq Şahla birlikdә İngiltәrәdә olan xarici
işlәr naziri Firuz Mirzәyә göndәrib.
Göstәrilәn maddәlәrlә әlaqәdar bir-iki qeyd-şәrtimizi dә
bildirdik: 1. “Hәr şey bir-biri ilә qarşılıqlı şәkildә bağlıdır.
2. Maddәlәrlә әlaqәdar özümüz ingilis hökumәtinin
nümayәndәlәri ilә görüşmәli vә onlara müvafiq izahatlar
vermәliyik”. Hәlәlik qarşı tәrәfdәn cavab yoxdur. Biz dә,
fars nümayәndә heyәti dә Firuz Mirzәnin qayıtmasını
gözlәyirik.
Biz, әlbәttә, İranın indiki vәziyyәtini vә avqustun 9-da
bu ölkә ilә İngiltәrә arasında bağlanmış vә diqqәtlә tәhlil