Page 406 - design_Topcubashov_Full_Layout 1

Əlimərdan bəy Topçubaşov

avqustun 21-dә Xarici İşlәr Nazirliyinin blankında imzasız
göndәrilmiş mәlumatı ilә әlaqәdar da bu barәdә yazmışdım.
Hәmin mәlumatı cәnab Atamalıbәyov vasitәsilә dә almışıq.
Lakin artıq burada xarici işlәr naziri M.Y.Cәfәrovun imzası
var. Sonuncu varianta şifrlәnmiş mәtn dә әlavә edilib. Hәmin
әlavәdәn bәzi tәsәlliverici mәlumatlar aldıq. Çox tәәssüf ki,
haqqında söhbәt gedәn qәzet kәsiklәri tapılmadı.
Atamalıbәyovun dediyinә görә, içәrisindә hәmin materiallar
olan zәrf Tiflisdә geri götürülüb vә Bakıya qaytarılıb. Bir
daha tәәssüf, çünki bu qәzet kәsiklәrindә yerli mәtbuata
vermәk üçün çoxlu mövzu tapmaq olardı. Mühәndis Pekarskinin
“ötәri iqtisadi oçerk”inә toxunmadan keçә bilmirәm. Oçerk,
hәqiqәtәn dә, “ötәri”dir vә bәzi qiymәtli mәlumatları çıxmaq
şәrti ilә ondan istifadәyә heç bir lüzum yoxdur. İqtisadi
mәsәlәlәrin işıqlandırılmasına isә daha çox ehtiyac duyuruq.
Cәnab Pekarski mәhz bu işi başqasına saxlamışdır. Tәәssüf!
Amma әvәzindә “Azәrbaycan rәqәmlәrdә” xәritәsi çox yerinә
406 düşdü (11 әdәd). Biz ondan istifadә edәcәyik vә artıq mәtbuata
vermәk üçün (iqtisadi albom formasında) şәkillәrini çәkmişik.
İqtisadi mәsәlәlәrә dair indiyә qәdәr әlimizdә olanlardan
daha ciddi materiallar göndәrmәk lazımdır.
Mәktub vә mәlumatlardakı bütün tapşırıqlar gücümüz
vә imkanlarımız daxilindә yerinә yetirilәcәk.
Әlbәttә, ali tәhsil mәqsәdi ilә bura gәlmәk istәyәn
gәnclәrin sәfәri ilә bağlı mәsәlәlәrin hәllinin tezlәşdirilmәsindәn
ötrü әlimdәn gәlәni etmәyi özümә borc sayıram. Tәәssüf ki,
Xalq Tәhsili Nazirliyi dә Poçt vә Teleqraf Nazirliyi kimi,
mәsәlә ilә bağlı nümayәndә heyәtinә rәsmi müraciәt etmәyi
ağlına gәtirmәyib. Lakin buna baxmayaraq, Fransanın xalq
tәhsili nazirinә xüsusi mәktub göndәrdim. Vәziyyәti tam
aydınlaşdırmaq üçün bu günlәrdә qәbulunda da olacağam.
Tәәssüf ki, Parlament seçkilәri burada hәlәlik hәr şeyi arxa
plana sıxışdırıb. Yeni Parlament seçilәndәn sonra iş başına
yeni hökumәt vә tәbii ki, yeni tәhsil naziri gәlәcәk.