Page 403 - design_Topcubashov_Full_Layout 1

...Xalqımızın müstəqil yaşayacağına inanırdıq

Ruslar ona minnәtdardırlar. Hәr halda, sәhәr yemәyindә
iştirak edәn cәnab Minorski 523 (әvvәllәr Tehrandakı rus
sәfirliyinin katibi idi, kürdlәr haqda tәdqiqat әsәrinin
müәllifidir, çoxdan tanıyıram) bildirdi ki, ruslar indiki şәraitdә
Rusiyaya göstәrdiklәri mәnәvi yardıma görә ermәnilәrә
minnәtdardırlar. Çünki onlar Rusiya әleyhinә hәr hansı etiraz
tәdbirindә iştirak etmirlәr. Denikinә vә Kolçaka düşmәn
kimi yanaşmırlar. Bax әsl rus adamı olan Acemovun
“mәslәhәt”lәrinin dәyәri budur! Adını çәkdiyim Minorski
yaxınlarda Tehrandan qayıdarkәn Bakıda olub. “Metropol”da
qalıb. Şәhәrdә qayda-qanunun hökm sürdüyünü deyir, amma
onu da әlavә edir ki, Bakıda, demәk olar, heç bir şey
dәyişmәyib, şәhәr әvvәlki kimi rus ruhundan xәbәr verir!
Buradan da o, lap yaxın keçmişә qәdәr Rusiya müsәlmanları
adlandırılan indiki azәrbaycanlıların Rusiyaya mәhәbbәti vә
sәdaqәti qәnaәtinә gәlir.
“Bu, yaxşı әlamәtdir”, – deyә cәnab Minorski qılıqlı sәsi
ilә çoxmәnalı şәkildә söhbәtinә yekun vurdu. Bir neçә 403
gündәn sonra mәnә baş çәkmәyә gәldi. Özü ilә yeni (әlbәttә,
bizim üçün yeni!) Bakı, Tiflis vә Batumi qәzetlәri gәtirmişdi.
Sonra bir daha görüşmәdik. O, qayınatası Şebuninin 524
yanında yaşayır. Hәmin Şebunin isә burada Çaykovski,
Lvov, Maklakov, Savinski vә Sazonovdan ibarәt Rus
Mәclisinin, yaxud Rusiya nümayәndә heyәtinin baş katibidir.
Maklakovla Sazonov hәlә dә rus sәfirliyinin binasında
yaşasalar da, işdәn, demәk olar ki, uzaqlaşdırılıblar. Maklakov
525
on gün әvvәl bir fransız generalı ilә (Mangin ) Denikinin
yanına gedib. Burada onun daha geri qayıtmayacağını
söylәyirlәr. Bir sözlә, bu qrup hәlә öz xilaskarları saydığı
generalların qәti qәlәbәsini gözlәyir. Bir tәrәfdәn Antantanın
hәrәkәtlәrini tәnqid edir, о biri tәrәfdәn “duz-çörәk itirәn”
“yadellilәr”in ünvanına bәzәn tәnәlәr, bәzәn isә hәtta hәdәlәr
yağdıraraq siyasi hәyatdakı mövcudluqlarını başqa heç bir
şeylә büruzә vermir.