Page 400 - design_Topcubashov_Full_Layout 1

Əlimərdan bəy Topçubaşov

birlikdә yanında olduq. İlk növbәdә polkovnik Reyin Tiflisdәn
salamını vә Kanada Qırmızı Xaç Cәmiyyәtinin verdiyi 200
qutu müxtәlif xәstәxana lәvazimatının (bu haqda Sizә daha
әvvәl mәlumat çatdırılıb) Amerika gәmisindә Batuma
göndәrilmәsi ilә әlaqәdar xәbәrini mәnә yetirdi. Sonra cәnab
Haskel ölkәmizdә müşahidә etdiyi qayda-qanun barәdә tәrifli
sözlәr dedi. Bakıda ehtiramla qәbul olunmasından çox razıdır.
Bizim sadә camaat xoşuna gәlib, deyir ki: “Xalqınız
sülhsevәrdir vә qәtiyyәn ermәnilәrin düşmәni deyil. Әgәr
siyasәt adamları (“Hommens Politiciens”) olmasaydı, ermәnilәr
dә sakit yaşayardılar”. Naxçıvan vә Şәrur bölgәlәrindә indi
sakitlikdir. Amerikalı qubernatorun idarә etdiyi neytral zona
yaradılıb.
Mәn Naxçıvan vә Şәrur bölgәlәrindә Ermәnistanla bizim
әhali arasında qarşılıqlı münasibәtlәrin nizama salınmasında
onun göstәrdiyi mühüm xidmәtlә bağlı hökumәtimizin artıq
nümayәndә heyәtinә xәbәr verdiyini polkovnikә dedim vә
400 öz adımdan da minnәtdarlığımızı bildirdim. Sonra
hökumәtimizdәn xoş bir xәbәr aldığımı xatırlatdım. Bu da
Naxçıvan vә Şәrurda baş verәn hadisәlәrdә günahın guya
müsәlmanlarda olması barәdә ermәnilәrin burada yaydıqları
әsassız şayiәlәrlә әlaqәdar idi. Ermәnilәr hәmin mәsәlә ilә
bağlı guya polkovnik Haskelin Ermәnistan parlamentindәki
çıxışında mәlumat verdiyini iddia edirlәr. Әslindә isә
hökumәtimizin dә bildirdiyinә görә, hәmin yalan xәbәri
polkovnik özü tәkzib edib. Haskel dediklәrimlә razılaşdı.
Suallarımıza cavab verәrkәn polkovnik әmin olduğunu
bildirdi ki, Zaqafqaziya xalqlarının, hәtta bütün Qafqaz
xalqlarının birlikdә yaşaması mümkündür. Çünki hәr şeydәn
öncә iqtisadi cәhәtdәn bir-birlәri ilә möhkәm bağlıdırlar.
Lakin başlanğıc mәrhәlәdә hәr hansı güclü dövlәtin himayәsi
zәruridir. Hәmin dövlәt ilk növbәdә bütün regionda maliyyә
vәziyyәtinin yaxşılaşmasına yardım göstәrmәlidir. Bir neçә
ildәn sonra hәr bir xalq mandat sahibi olan dövlәtin