Page 395 - design_Topcubashov_Full_Layout 1

...Xalqımızın müstəqil yaşayacağına inanırdıq

indiki mәqamda, özümüzü tanıtmağa hәmişәkindәn çox
ehtiyac duyduğumuz bir vaxtda bu cür imkanlardan boyun
qaçırmalı oluruq. Yeri gәlmişkәn, biz hәmin gecәni istәnilәn
halda fevral ayında tәşkil etmәk istәyirik. Yәqin ki, göstәrmәyә
bir şey taparıq. Әlbәttә, o vaxta qәdәr salamat qalsaq,
gücümüz vә imkanımız çatsa, nәhayәt, әn başlıcası, Siz
kömәk etsәniz, niyyәtimizi hәyata keçirәcәyik.

IV
Lakin bu istiqamәtdә atmalı olduğumuz başqa addım
daha vacibdir. Söhbәt Azәrbaycanda diqqәti cәlb edәn nә
varsa, hamısının әksini tapdığı illüstrasiyalı nәşrin
buraxılmasından gedir. Gürcülәr artıq belә bir iş görüblәr
(әlavә № 8). Biz dә ayda bir dәfә çıxan “L’İmage” 512
jurnalının naşiri ilә razılıq әldә etmişik. Nәşrin noyabr
nömrәsinin Azәrbaycana hәsr olunmasını istәyirdik. Lakin
әlimizdәki fotoşәkil, açıqca vә s. materialları gözdәn keçirәndә
jurnalın illüstrasiya baxımından çox solğun görünәcәyi 395
qәnaәtinә gәldik. Xüsusilә ordumuza dair fotoşәkillәrin
yoxluğu özünü daha kәskin büruzә verir. Bizdә general
Mehmandarovun 513 bir dәnә dә şәkli yoxdur. Adını çәkdiyim
jurnalın bütün sayları isә, demәk olar ki, hәrbi xarakterli
illüstrasiyalarla dolu olur. Bu, bir tәrәfdәn yaşanan dövrün
sәciyyәsi ilә bağlıdır, digәr tәrәfdәn ölkәnin müdafiә qüdrәtinin,
hәrbi gücünün göstәricisidir. Belә mülahizәlәr bizi jurnalın
noyabr nömrәsi ilә bağlı fikirdәn daşındırdı. İndi noyabr
әvәzinә, dekabr, ya da növbәti ilin yanvar sayını götürmәk
istәyirik. Ümid edirәm ki, о zamana qәdәr siyahısını
göndәrdiyimiz fotoşәkillәri vә digәr zәruri illüstrasiya
materiallarını Sizdәn alacağıq (әlavә № 9).
Söz yox ki, siyahı minimum tәlәblәri әhatә edir. Әgәr
istәdiklәrimizdәn әlavә şәkil vә açıqcalar göndәrә bilsәniz,
bizi yalnız sevindirәrsiniz. Ancaq xahiş edirәm, bu mәsәlәdә
tәlәsin ki, cәnab Berlin hәmin materialları özü ilә gәtirә