Page 382 - design_Topcubashov_Full_Layout 1

Əlimərdan bəy Topçubaşov

yaşamasına imkanımız çatan qәdәr tәsir göstәrmәyimizi
xahiş etdi. Gürcülәr (gürcü dilini bilir) vә ermәnilәrlә dә
görüşdü. Eyni gündә dә Qafqaza yola düşdü, general Harbord
da çox tәlәsirdi. Ona görә dә mәni qәbul etmәyә vaxtı
çatmadığını bildirmәk üçün zabitlәrindәn birini yanıma
üzrxahlığa göndәrmişdi. Әvәzindә isә polkovnik Reylә 500
bir neçә dәfә görüşdüm. Çox ürәyәyatan adamdır. Azәrbaycana
gәlmәli olan missiyanın başçısıdır. Polkovniki bütün zәruri
materiallarla tәmin etdim, lazımi mәlumat çatdırdım. Aydın
oldu ki, konfrans, xüsusәn dә Şimali Amerika Birlәşmiş
Ştatları bizә vә ümumәn Qafqaz mәsәlәsinә münasibәtini
missiya işini başa çatdırandan sonra bildirәcәk. Missiyanın
Qafqazdakı fәaliyyәti üç ay çәkәcәk. Polkovnik Reylә
birlikdә mәn vә Hacınski bütün Amerika missiyalarının
rәhbәri polkovnik Loqenin yanında olduq. O, lazımi yardım
göstәrәcәyini bildirdi. Eyni zamanda bir tәmsilçimizin
missiyanın tәrkibinә salınması ilә bağlı müvafiq sәrәncam
verәcәyini dә vәd etdi. Bu fürsәtdәn yararlanmaq lazımdır.
382
Üstәlik, cәnab Rey çox xeyirxah adamdır: Kanada Qırmızı
Xaç Cәmiyyәtinin hәdiyyәsi olan 200 yeşik xәstәxana
camaşırını özü ilә aparmağa söz verdi. Yeşiklәri polkovnikin
Parisdәn Brestә getdiyi qatarla göndәrdik. Lakin işin
tәrsliyindәn, yolda vaqonu ayırıblar vә bizim yük dә
amerikalılar hәrbi gәmi ilә yola düşәnә qәdәr missiyanın
digәr müxәllәfatı ilә birlikdә Brestә gәlib çatmayıb. İndi
hәmin yükü Toronto–Batumi xәtti ilә yola salmaq qayğısı
öz üzәrimizә düşür. Hesablamamıza görә, bu işә tәxminәn
5–6 min frank xәrcimiz çıxacaq. Onu necә yoluna qoyacağımız
da әlavә qayğıya çevrilib. Әlbәttә, yüklәri göndәrәcәyik.
Konstantinopoldan, polkovnik Reydәn mәktub almışıq.
Yükün lәngimәsi ilә bağlı tәәssüfünü bildirir. Eyni zamanda
bizi sakitlәşdirәrәk özündә olan dәrmanların bir hissәsini
hökumәtimizә verәcәyini vәd edir. Әgәr birdәn hәmin vәd
yadından çıxmış olsa, müvafiq tәsadüf yarananda
xatırlatmağınız yerinә düşәr.