Page 380 - design_Topcubashov_Full_Layout 1

Əlimərdan bəy Topçubaşov

gәlmәmişdi, onu Ohancanyan әvәz edirdi) bildirdilәr ki, bu
suallar müzakirә üçün onlara tәqdim olunmayıb). Guya
suallar bizimlә avqustun 13-dә olan söhbәtdәn sonrakı
fikirlәrin nәticәsi kimi meydana çıxıb. Ona görә dә
tәxirәsalınmaz mәsәlә kimi Müttәfiqlәrin hәrbi qüvvәlәrinin
Qafqazda saxlanılması barәsindә konfransa müraciәtin
müzakirәsi daha yerinә düşәrdi. Qәribә mәnzәrә alınmışdı.
Lakin münasibәtlәri korlamamaq xatirinә ermәnilәrin tәkliflәri
ilә razılaşdıq. Dağlılar Respublikasının nümayәndәlәri istisna
olmaqla hәmin tәkliflәr hamı tәrәfindәn qәbul edildi. Digәr
mәsәlәlәrin müzakirәsi üçün dә belә bir iclas çağırmaq
qәrara alındı. Hәrbi qüvvәlәrin saxlanması ilә әlaqәdar
xahişin konfransa mümkün qәdәr tez çatdırılması lazım
bilindi. Bunu hamıdan çox ermәnilәr istәyirdilәr. Lakin
tәәssüf ki, müraciәt mәtninin hazırlanması vә redaktәsi xeyli
vaxt apardı. Heyәtlәrin başçıları daha üç dәfә toplaşmalı
oldular. Nәhayәt, heç bir motivin әsas gәtirilmәdiyi mәtn
380 üzәrindә dayandıq. Çünki ermәnilәr hәrbi qüvvәlәrin
çıxarılmamasının әsas motivi kimi daxili tәhlükәni (yәni
bizi), biz vә gürcülәr isә xarici tәhlükәni (Könüllü Ordu)
nәzәrdә tuturduq. Mәtn dörd dәfә dәyişdirildi. Sonda
müraciәtin qol-qanadı sındırılmış variantı ilә kifayәtlәnmәli
olduq. Sәnәd hәr uç sәdrin imzası ilә avqustun 28-dә tәqdim
edildi (әlavә № 1). Hәmin vaxtdan bәri görüşmәmişik. Lakin
mövcud faktlar öz-özlüyündә çox şey deyir.
Digәr tәfәrrüatları M.Hacınski Sizә çatdırar. Diqqәtinizi
ictimai rәyin saxta vә çığırğan teleqramlarla daha da
qızışdırılması kimi әnәnәvi üsuluna cәlb etmәklә mәlumatımı
bitirmәk istәyirәm. Teleqramlarda ermәnilәrә qarşı
zorakılıqlardan yorulmadan danışılır. Әyani nümunә kimi
Ermәni Mәlumat Bürosunun iki gün әvvәl yaydığı teleqramı
әlavә edirәm. Teleqramda ermәnilәrә basqın edәnlәrin pul
vә silah әlә keçirdiklәri yer kimi Bakı göstәrilir (әlavә № 3).
Xoşbәxtlikdәn, xәbәr ciddi qәzetlәrdә çap olunmayıb.