Page 326 - design_Topcubashov_Full_Layout 1

Əlimərdan bəy Topçubaşov

№ 2
17–29 mart 1919-cu il

AZӘRBAYCAN RESPUBLİKASI
NAZİRLӘR ŞURASININ SӘDRİNӘ

Cәnab Sәdr!
Sabah sәhәr Tuqanov tәsadüfәn buradan yola düşür.
Onunla nümayәndә heyәtinin Paris sәfәri ilә bağlı indiki
qısa mәlumatı diqqәtinizә çatdırıram.
Axırıncı mәktubu göndәrәndәn (cәnab Әliyev vasitәsilә)
sonra ingilis komandanlığından fransızların razılıq verәcәklәri
tәqdirdә nümayәndә heyәtimizin yola düşmәyinә onlar
tәrәfdәn hәr hansı maneә törәdilmәyәcәyi barәdә mәlumat
(әlavә № 1) aldım.
Nümayәndә heyәtinin qәrarı ilә hәr iki komandanlığa
326 әsaslandırılmış mәktub yazdım. Nәticәdә dörd nәfәrin
getmәyinә razılıq әldә edildi. Lakin heyәtin bütün tәrkibinin,
dәftәrxananın isә heç olmazsa, bir hissәsinin sәfәrinә nail
olmağı daha mәqsәdәuyğun saydığımdan hamı üçün icazә
almaq istiqamәtindә sәylәrimi davam etdirir, eyni zamanda
Marselә gedәn gәminin nә zaman yola düşәcәyini gözlәyirdim.
Elә hәmin әrәfәdә işlәrin gedişinә öz tәsirini göstәrәn hadisә
baş verdi: bir neçә gün әvvәl, әgәr belә demәk mümkündürsә,
xarici hakimiyyәt dairәlәrinin göstәrişi ilә Әhmәd bәy Ağayev
hәbs edildi. Bu, İttihad vә Tәrәqqi hәrәkatına mәnsubluğu,
Antanta әleyhinә mәtbuat sәhifәlәrindәn, Parlament
kürsüsündәn çıxışlarına görә ona yönәlәn hücum vә ittihamların
mәntiqi nәticәsi idi.
Eyni zamanda buradan teleqrafla göndәrilmiş sorğuya
Parisdәn cavab gәlәnә qәdәr sәfәrlә bağlı mәnә daha әvvәldәn
verilmiş icazәnin dayandırıldığı haqda mәlumat aldım. Bu
mәlumatı bizә fransız komandanlığı çatdırmışdı. Bir hәftә