Page 300 - design_Topcubashov_Full_Layout 1

Ә.TOPÇUBAŞOVUN ERMӘNİ MİLLİ
ŞURASININ SӘDRİ A.AQARONYANLA
SÖHBӘTİNİN YAZISI

16 yanvar 1919-cu il, saat 12.00–13.30
Pera Palas hoteli

Ayın 14-dә sәhәr qәzetlәrindә Parisә gedәn A.Aqaronyanın
bura gәldiyini oxudum. Nә vaxt görüşә bilәcәyimizi öyrәnmәk
üçün dәrhal katibim Haşım bәyi Tokatlıyan hotelinә göndәrdim.
Cәnab Aqaronyan ertәsi gün saat 3-dә gәlmәyimi xahiş etdi.
Lakin bәrk zökәm olduğumdan soyuğa çıxsam, xәstәliyimin
daha da şiddәtlәnәcәyindәn qorxub tәyin edilәn vaxtda
görüşә getmәdim. Odur ki, qısa mәktub yazıb üzr istәdim vә
xahiş etdim ki, әgәr imkanı olsa, o, mәnim yanıma gәlsin.
Cәnab Aqaronyan lütfkarlıq göstәrib katibi (Tiflisdәndir,
300 sifәtdәn tanıyıram, lakin soyadını unutmuşam) ilә birlikdә
qaldığım hotelә gәldi.
Aqaronyan. Salam, Әlimәrdan bәy! Sizә nә olub?
Görürәm öskürürsünüz. Bu, heç dә xoşagәlәn iş deyil. Amma
bütünlükdә oktyabrdakından qat-qat yaxşı görünürsünüz.
Gәrәk özünüzü qoruyasınız, indi burada çox xәstәliklәr
yayılıb. Tezliklә sağalmağınızı arzu edirәm.
Mәn. Çox sağ olun. Narahatlıq yaratdığıma görә üzr
istәyirәm. Gәldiyiniz üçün minnәtdaram. Mәn, demәk olar,
hәr şeydәn tәcrid olunmuşam. Heç nәdәn xәbәrim yoxdur.
Ona görә dә Qafqazdakı yeniliklәr barәdә sizdәn eşitmәk
istәyirәm.
Aqaronyan. Lütfәn, heç bir üzrxahlıq lazım deyil. Onsuz
da, sizinlә görüşmәdәn buradan getmәk fikrindә deyildim.
Olub-keçәnlәr haqda qısaca danışaram. Amma haradan
başlamalı?
Mәn. Mәsәlәn, indi gürcülәrlә münasibәtiniz necәdir?