Page 303 - design_Topcubashov_Full_Layout 1

...Xalqımızın müstəqil yaşayacağına inanırdıq

konfransın tarixi vә müzakirәyә çıxarılan mәsәlәlәr göstә -
rilmişdi. Belә münasibәt, başımızın üstündәn bu cür iş
görülmәsi xoşuma gәlmәdi. Ona görә dә dәvәti qәbul etmәdik,
konfransda iştirakdan boyun qaçırdıq.
Mәn. Bütün bunlar nә qәdәr dә xoşagәlmәzdir. Bәs
bizimlә necә, hәlә dә müharibә edirsiniz? Azәrbaycanla
münasibәt necәdir?
Aqaronyan. Sizinlә münasibәtlәrimiz daha yaxşıdır.
Düzgün istiqamәtdә qurulur. İlk növbәdә onu deyim ki,
hәlәlik qarşılıqlı tәmsilçilik mәsәlәsi hәllini tapmayıb. Nә
bizdә, İrәvanda, nә dә sizdә, Bakıda hәlә diplomatik
nümayәndәlik yoxdur. Buna isә ehtiyac var. Sәbәb Azәrbaycan
hökumәtinin göndәrmәk istәdiyimiz diplomatik nümayәndә
Bekzadyanın 421 namizәdliyini qәbul etmәkdәn boyun
qaçırmasıdır. Hökumәt hәlә Yelizavetpolda olanda onun
tәyinatına razılıq verilmişdi. Amma Bakıya köçәndәn sonra
hansı sәbәbdәnsә münasib bilinmәdi. Bundan әlavә, ermәnilәr,
әlәlxüsus tanınmış şәxslәr hәlә dә Bakıda görünmәyә,
303
xüsusәn Zaqafqaziya dәmir yolunun sizә mәxsus hissәsindә
yola çıxmağa qorxurlar. Çünki burada bәzәn ermәnilәrlә
müsәlmanlar arasında toqquşma hallarına tәsadüf olunmuşdur.
Azәrbaycan hökumәti ermәnilәrә 3 nazir vәzifәsi,
Parlamentdә isә deyәsәn, 30-dan çox deputat yeri verib.
Lakin onlar tәkliflәrdәn boyun qaçırıblar. Bәlkә dә, Parlamentdә
ermәnilәr var. Lakin kimdirlәr vә neçә nәfәrdirlәr? Doğrusu,
xәbәrim yoxdur. Nazir vәzifәsindәn isә birmәnalı imtina
ediblәr.
Mәn. Bәs öz addımlarını nә ilә әsaslandırırlar?
Aqaronyan. Bilirsiniz, hökumәt başçısı vәzifәsindә
Fәtәli xan Xoyskinin qaldığı müddәt әrzindә ermәnilәrin
Azәrbaycan hakimiyyәtinә münasibәtlәri formal xarakter
daşıyacaq. Çünki onlar Xoyskini sentyabrda Bakının alınması
zamanı çoxsaylı ermәnilәrin öldürülmәsinin vә güc tәtbiq
olunmasının әsas günahkarı sayırlar. Bizimkilәr fikirlәşirlәr
ki, istәsә, buna yol vermәyә dә bilәrdi.