Page 205 - design_Topcubashov_Full_Layout 1

...Xalqımızın müstəqil yaşayacağına inanırdıq

Yeri gәlmişkәn, ermәnilәrlә gürcülәrin Avropada çoxdan
tәmsilçilәri var. Buradakılar hamısı sabah geri qayıtmağa
hazırlaşırlar. Onu da әlavә edim ki, fikrimcә, bizim Xәlil
bәy ya nümayәndә heyәti ilә birlikdә geri qayıtmalı, ya da
mәnim gedәcәyim tәqdirdә burada qalmalıdır. Lakin indi
yerlәrdә görülmәli işin çox olduğunu deyәrkәn ona da haqq
qazandırmamaq mümkün deyildir.
İstanbuldakı ermәni vә gürcü nümayәndәlәri ilә çox az
görüşmüşәm. Hәm dә bunu müәyyәn qәdәr bilәrәkdәn
etmişәm. Çünki burada vәziyyәt dәyişәndәn sonra onların,
xüsusәn dә ermәnilәrin necә böyük iştahaya düşdüklәrinin
şahidi oldum. Arabir qәzet sәhifәlәrindә әn çox da Bakıda
vә Qarabağda baş verәn hadisәlәrlә bağlı özlәrini göstәrmәyә
çalışırlar.
Sәlim bәy Behbudov vә Әsәd bәy Rüstәmbәyova hәvalә
edilmiş maliyyә işinin qaydaya salınması mәsәlәsinә gәldikdә
isә, vәziyyәt mәn onları burada görәndәn necәdirsә, yenә
hәmin qaydadadır. Azәrbaycana göndәrilmәsi nәzәrdә tutulan 205
vә görüşünә getdiyim maliyyә müşaviri Hәmid bәy gәlә
bilmir. Başqası isә yoxdur. Bir dә, ümumiyyәtlә, indi bu işә
baş qoşmağa dәyәrmi? Hәlәlik bizim pulları çap etmәyә
başlamayıblar. Çünki Almaniyadan gәlәn sәkkiz qatar yolda
ilişib qalıb. Uzunmüddәtli borcun ikinci yarısı (250 min
lirә) barәdә isә nәdәnsә susurlar. Lakin qәti söz verilmişdi
ki, artıq aldığınız әvvәlki 225 min lirә kimi, o da birbaşa
Sizin adınıza göndәrilәcәk. Tәfәrrüatlar barәdә Әsәd bәy
Rüstәmbәyov mәlumat verәcәk.
Bәzi mәsәlәlәrlә bağlı xalq tәhsili nazirinin müavini ilә
söhbәt yazısının surәtini göndәrirәm. Burada bütün işlәr
çәtinliklә hәll olunur. Müәllim vә müәllimәlәrlә bağlı müxtәlif
mәmurlarla danışdım. Hamısı söz verir, amma әmәl elәmirlәr.
Deyirlәr ki, ümumәn işin aparılma qaydası belәdir. İstanbulda
tәhsil alan vә yanıma şikayәtlә gәlәn bir neçә gәnclә söhbәtim
oldu. Aralarında Әhmәd bәy Ağayevlә gәlmiş şuşalı İsfәndiyar