Page 203 - design_Topcubashov_Full_Layout 1

...Xalqımızın müstəqil yaşayacağına inanırdıq

Әsәd bәy Rüstәmbәyov isә maliyyә nazirinin müavinidir,
hәqiqәtәn, çox çәtin vәziyyәtә düşdüm. Çünki onlar da vizit
kartında dağlı xalqların Şimali Qafqaz Respublikasının xarici
işlәr naziri olduğu göstәrilәn, bәzilәrinin hәtta knyaz deyә
hörmәtә mindirdiklәri Heydәr Bammatov kimi, adlarının
әvvәlinә “Son Excellence” (fr.: “zati-alilәri”) artırıblar vә
bu cür dә çağırılırlar. Belә bir şәraitdә, siyasi kursun dәyişdiyi
indiki vaxtda mәn nә etmәliyәm? Nüfuzumuza gәldikdә isә,
daşıyıcıları ayrı-ayrı şәxslәr olan, bu fәrqli adamların fәrqli
şәkildә anladıqları, fәrqli şәkildә istifadә etdiklәri hәmin o
nüfuzun parçalanıb-dağılmış zәrrәlәrini indi necә bir yerә
yığım? Әlbәttә, mәn heç vaxt xüsusi rәğbәt göstәrmәdiyim,
can atmadığım ritual vә tәntәnәli mәrasimlәr haqda danışmıram.
Mәni maraqlandıran ilk növbәdә dövlәtimizi tәmsil edәn
nümayәndәlәrin vәziyyәtidir. Bu baxımdan, xahiş edirәm,
tәrәfimdәn qaldırılan vә tәmsilçiliyin maddi tәminatı ilә
bağlı mәsәlәyә baxasınız. Hәr şeyin son dәrәcә baha olduğunu
yazmağa ehtiyac varmı? Bahalıq haqda geri qayıdanlar sizә 203
danışarlar. Başqa bir mәsәlә dә var, bu da Pera Palas hotelindә
Türkiyә hökumәtinin hesabına yaşamaq vә yemәklә bağlıdır.
Belә müftә bәslәnmә nә qәdәr davam edәcәk?
Bәdbәxtlikdәn, mәn dә yemәk, yaşamaq vә nәqliyyat
xәrclәrini Türkiyә hökumәtinin xarici işlәr nazirliyinin
ödәdiyi müsafirlәr sırasındayam. Düzünü desәm, bu hal
mәnә çox ağır gәlir. Әslindә, heç düzgün dә deyil. Çünki
mәndәn әvvәlki bütün nümayәndәlәrimiz bura müvәqqәti
gәlmişdilәr vә müәyyәn mәnada qonaq sayıla bilәrdilәr.
Mәn isә, mandatımda da göstәrildiyi kimi, ölkәdә uzun
müddәt qalmaq niyyәtindәyәm. Sözün doğrusu, çox narahat
1
olduğum mәsәlә barәdә baş mehmandarla da danışdım,
lakin o, hökumәtin inciyә bilәcәyini dedi. Amma heç nәyә
baxmadan bu söhbәti bitirmәk istәyirәm vә artıq lazımi bina

1 Burada “protokol xidmәti” mәnasında işlәnmişdir.