Page 188 - design_Topcubashov_Full_Layout 1

Əlimərdan bəy Topçubaşov

indiki әlaqә vә mәlumat üsullarına yaxşı bәlәdәm. İstәdiyim
sәnәdlәri ala bilmәmәyimi dә bununla izah edirәm. Hәmin
sәnәd vә mәlumatlar ilk növbәdә mәnә qәbul edәcәyim
qәrarları, atacağım addımları hökumәtin, xüsusәn dә Xarici
İşlәr Nazirliyinin mövqeyi ilә uyğunlaşdırmaq üçün lazımdır.
Ona görә dә yalnız Türkiyә, Almaniya, Avstriya-Macarıstan,
Bolqarıstan deyil, Gürcüstan, Ermәnistan vә Şimali Qafqazla
bağlı bütün sәrәncam vә tәdbirlәr barәsindә dә dәrhal
mәlumat almağım zәruridir. Fikrimcә, xaricdәki bütün
missiyalarımızla әlaqә ya mәnim vasitәmlә aparılmalı, ya
da әn azı onlar barәdә mәlumatlandırılmalıyam. Allah bizi
hәrәkәtlәrimizdәki hansısa razılaşdırılmamış addımlardan
qorusun. Azәrbaycan Respublikası ilә bağlı bütün mәsәlәlәrdә
geniş sәlahiyyәtlәrimin mövcudluğu şәraitindә isә bu tamamilә
mümkündür. Hökumәtin vә hökumәt tәmsilçilәrinin nüfuzunu
qorumaq, can atdığımız nәticәlәrә nail olmaq üçün tam
hәmrәylik nümayiş etdirmәk vә mütlәq qarşılıqlı әlaqә
188 saxlamaq olduqca vacibdir. Mәn gedәndә Mәmmәdhәsәn
Gәncәdә deyildi. Çox xahiş edәrdim ki, onu hәm mandatımın
mәzmunu, hәm dә rәsmi yazışma kimi saxlanması vacib
olan indiki mәktubla tanış edәsiniz.
Batuma konsul tәyinatı ilә bağlı çoxdan vaxtı çatmış
mәsәlәyә bir dә qayıtmağı lazım bilirәm. Әgәr münasib
namizәdiniz yoxdursa, konsul sәlahiyyәtlәrinin müvәqqәti
doktor Mahmud bәy Әfәndiyevә (Vladiqafqaz küçәsi, 4)
tapşırılmasını xahiş edәrdim. Hәlәlik onun vasitәsi ilә bütün
yazışmaları almaq, İstanbula vә geri göndәrmәk mümkündür.
Baxın, indi konsulla birbaşa bağlılığı olan mәsәlә var. Bu,
hazırda Türkiyә hökumәtinin әlindә olan keçmiş Çakvin
malikanәsindәn 297 çay alınması ilә bağlıdır. Axı bizdә çay,
demәk olar ki, yoxdur, burada isә funtunu 30–40 rubla
almaq mümkündür. Türklәr mәmnuniyyәtlә buğdaya da
dәyişirlәr. Birdәfәyә 5–10 min funt almaq olar. Bunun üçün
3-cü türk ordusunun komandanı Әsәd paşa ilә әlaqә qurmaq