Page 99 - Tarey Vesos_Макет 1

Buz qəsr
Buna çox tab gәtirә bilmәzdi.
Gözünә görünәnlәr qeyb olmurdu, buzun içәrisinә hәkk
olmuş halda sakitcә yerlәrindә dayanmışdılar. Amma ona baxmağa
daha Sissin heyi yox idi. Qarabasma sanki üstünә gәlirdi.
Unn dairәvi buz divarların arxasında nәhәng – hәyatda
olduğundan xeyli böyük görünürdü. Düzü, yalnız sifәti görünürdü,
bәdәni sanki әriyib itmişdi.
Gözlә görünmәyәn çat vә künclәrdәn içәri dolan kәskin
şüalar bu obrazı parçalayırdı. İstәnilәn halda, Unn hәdsiz gözәl
idi. Siss daha ona baxa bilmirdi. Birtәhәr özünü cәmlәyib yalnız
bir fikirlә – gizlәnmәk üçün buradan uzaqlaşdı. Onsuz da, Unna
çox baxdığından, indi onu әsmәcә tutmuşdu.
Tam özünә gәlәndә artıq bu yerdәn çox uzaqlaşmışdı. Ona
elә gәldi ki, bu qarabasma yox olub. Qarabasma tez yox olur.
Bu, o demәkdi ki, Unn artıq hәyatda yoxdu.
Hә, әlbәttә. Unn hәyatda yoxdu.
Elә ki Siss bunu dәrk elәdi, ayaqları boşaldı vә buzun üstә
yıxıldı. Bu vaxtacan Unnun hәyatda olmadığı fikrini ağlına belә
gәtirmirdi, ürәyinin dәrinliyindә hәmişә bir dәhşәt gizlәnsә dә,
onun ölümü haqqında düşünmәyi özünә qadağan etmişdi. Yәqin,
camaatın açıq-açığına bir-birlәrinә dediklәri bu ölüm artıq onun
üçün dә inanmalı olduğu, qaçılmaz gerçәklik idi.
Buzun üstündә uzanılı halda arxasında havanı kәsik-kәsik
edәn fit sәsini eşidib, külәyin kәskin hәmlәsini hiss etdi vә
nәyinsә havada cizgi qoyduğunu gördü. Hamısı birdәn baş verdi.
Özü dә lap yaxında.
Onu әsmәcә tutdu. Buz soyuq idi. Sürüşkәn çalalardan keçib
yuxarı süründü. Geriyә yol çәtin idi. Altında, buzun içindә, әyri-
üyrü çatlarda bura axan işığın aramsız oyunu gedirdi. Bәzәn
kәnara sürüşürdü vә bu, pis nәticәlәnә bilәrdi. Amma yenidәn öz
yoluna qayıdırdı.
Nәhayәt, yuxarı çatanda әtrafında olan hәr şey qәflәtәn
gözünә sönük vә qәmgin göründü. Dayanıb hәr şeyi nәzәrdәn
keçirdi vә ürәyindә bir şübhә baş qaldırdı: doğrudanmı o, nәsә
görә bilmişdi?

99