Page 98 - Tarey Vesos_Макет 1

Tarey Vesos
O, burada qalmaq istәdi. Xizәklәrini çıxarıb möhkәm qarın
üstüylә, buz divarın yanıyla yuxarı hәrәkәt elәdi. Axan vә çırpılan
sudan әmәlә gәlәn buz qәsr indi öz donuqluğu vә möhkәmliyi ilә
onu özünә çәkirdi. Onun başına qalxıb, sadәcә burada qalmaq
istәyirdi.
Yuxarıda olanda gözü önündә buz tutmuş bir qarma-qarışıqlıq
canlandı. Bir qar dәnәciyi dә görünmürdü. Buz tәpәlәrlә ehtiyatla
aşağı düşdü, dәrin buz novçaların arasından sürüşüb keçdi. Vә
bütün bu müddәt әrzindә bir fikir beyninә hakim kәsilmişdi: hәr
halda, buzdu, elә möhkәm olmaya da bilәr. Kim bilir, bәlkә,
Unnun başına gәlәn hadisә dә elә bu cür olub?
Bu qız xәcalәt içindә rәfiqәlәrindәn ayrılmışdı, indi isә onlarla
birlikdә yola çıxdığına görә nәyәsә xәyanәt etdiyinin әzabını
çәkirdi. Rәfiqәlәrinin onu sәslәyәn baxışlarına, xizәk gәzintisinә
görә öz vәdini unutmuşdu. Yox, gәzintiyә görә yox, rәfiqәlәriylә
birlikdә olmağa görә. Bu istәyә qarşı durmaq get-gedә çәtinlәşirdi.
Nә qәdәr gücü çatır, müqavimәt göstәrәcәk.
Bu yüksәk, necә gәldi kәsilmiş buz günbәzdә Sissi dәrin
hәyәcan bürüdü. O, novçaların arasıyla sürüşә-sürüşә deşik
yerlәrә tәrәf düşәndә qәflәtәn yarğanın üstündә gün şüalarına
qәrq olmuş qәsrin kәnarındakı çıxıntıda peyda oldu. Burada çox
da dәrin olmayan bir yer var idi. Möhkәm, şәffaf buzluq. Günәş,
şüalarıyla onun üzәrinә yüzlәrlә naxış vurmuşdu.
Qәflәtәn içindәn çığırtı qopdu. Unn! Düz gözü qarşısında,
buz divarların arxasından rәfiqәsinin sifәti göründü.
Bir anlıq ona elә gәldi ki, gördüyü Unndu!
Haradasa buz layının dәrinliklәrindә.
Parlaq mart günәşi öz şüalarını düz Unnun üstünә salıb onu
müxtәlif parıltılar vә zolaqlarla, çәpәki şırımlar vә işıq seliylә,
qeyri-adi buz güllәr vә naxışlarla әhatә elәmişdi. Unn sanki
bayram libasına bürünmüşdü.
Siss nә tәrpәnә, nә dә ağzını açıb bir söz deyә bilirdi, donuq
vәziyyәtdә buza baxırdı. Başa düşdü ki, bu mәnzәrә, olsa-olsa,
qarabasmadı. Qarabasmalara tuş gәlmәlәri haqqında adamlardan
çox eşitmişdi. İndi bu, öz başına gәlmişdi. Unn gözünә görünmüşdü.

98