Page 89 - Tarey Vesos_Макет 1

Buz qəsr
havanı yararaq aşağı can atdı. Yerә çatanda cәld özünü toparlayıb
dövrә vurdu, sürәtini azaldıb buz divarın yanından uçaraq geri
qayıtdı. Sonra başgicәllәndirici yüksәkliyә qalxıb göyün üzündә
xırda qara nöqtәyә çevrildi.
Amma tezliklә yenә aşağı can atdı, hәminki qeyri-adi dәqiqliklә
buz qәsrin qarşısındakı havada cizgilәr qoydu. Bu, bir azad quş
idi, istәdiyini etmәk üçün qarşısında heç bir maneә yox idi. O,
heç nәdәn qorxmur, hәrdәn ürәyi istәyәndә әndazәni dә aşırdı.
Quş bu yerlәri tәrk edә bilmirdi. Nә adama hücum edir, nә dә
dincәlirdi – yalnız tutqun yel kimi buz divarın yanından uçub-
getmәklә kifayәtlәnirdi. Az sonra artıq uzağa – üfüqә tәrәf uçur,
ya da yüksәkliyә dartınırdı. Amma tezliklә yenidәn buz divarın
yanında uçurdu. Bu zaman o artıq havanı dәlib-keçәn polad
caynaqlı azad quş deyil, bu yerlәrdә yaşamağa mәhkum bir
canlıydı.
O, burada öz azadlığının әsiri idi. Dayana bilmirdi. Gördüklәri
onu özündәn çıxarırdı.
Nә vaxtsa özünün kәsib böldüyü şüşә kimi möhkәm vә
görünmәz hava şırımlarında özü dә ölümcül yaralanacaqdı. Bu
uçuşlar havanı yarırdı. Vә nә vaxtsa onun özünü dә yaracaqdı.

11

Boş yer

Mәktәbdә dәrslәr vә qış öz axarıyla gedirdi. Tәnәffüslәrdә
Siss divarın yanında dayanıb-dururdu. Artıq hamı buna öyrәşmişdi.
Bir-birindәn fәrqlәnmәyәn hәftәlәr bir-birini әvәz edirdi. Unnun
axtarışlarına son verilmişdi.
Siss öz vәdinә sadiq tәrzdә divarın yanında dayanırdı vә
sinfә başçılığı başqa bir qız öz әlinә almışdı.
Bir qış sәhәri sinfә tәzә şagird gәldi. Bu qız onlarla eyni
yaşdaydı. Valideynlәri ilә yaxınlarda bura köçmüşdülәr.
Gәrgin bir gözlәnti var idi. Siss hiss etdi ki, hәm dә buna
sevinir – şagirdlәr çox da keçmişdә qalmayan hadisәni unutmayıblar.
89