Page 86 - Tarey Vesos_Макет 1

Tarey Vesos
gәzişirdi. Qızlardan biri, belә görünürdü ki, qısa bir zamanda
hamıya başçı olmağa fürsәt tapıb. Mәn elә buradaca dayanacağam.
Belә vәd etmişәm. Adi dәrs günü öz axarıyla gedirdi.
Sissin fikri başqa yerdәydi. Hamıdan kәnar dayanmaq nәsә
qәribә vә ona yad idi, amma bir tәrәfdәn dә, bu hәrәkәtiylә sәhәr
dәrsdәn әvvәl baş verәnlәrdәn sonra dincәlmәk üçün imkan
qazanmışdı.
Günlәr sürәtlә keçirdi. Milad gәldi. Amma Siss bu bayramı
hәmişәki kimi qarşılamadı: evdә oturub qaldı, heç kimi qonaq
çağırmadı. Onu narahat etmәdilәr, get-gedә onun әsәblәrinin nә
qәdәr pozulduğu hamıya bәlli oldu.
Hәyәtdә qar tәpәlәşdi.
Qar tәpәlәşdi, amma Unn gәlib çıxmadı.
Ola bilsin, haralardasa axtarışlar hәlә dә davam edirdi, amma
burada – qalın qarlı yerlәrdә iş dayanmışdı. Adamlar da hadisә
barәdә daha hәr gün danışmırdılar. Qar yağırdı vә yağdıqca hәr
şeyi, hәtta adamların yaddaşını da örtürdü.
Unnun tәnha xalası da Milad günlәrindә evdәn çıxmadı,
amma camaat gәlib ona baş çәkirdi. Siss ürәk elәmirdi.
O, tәşvişlә xalanın evi satıb gedәcәyi günü gözlәyirdi. Әgәr
belә olarsa, demәli, daha ümid dә öldü.
Amma xala hәlә ki öz evindәydi.
Siss anasına yaxınlaşıb soruşmaq istәyirdi: “Daha sәn dә
Unnu yada salmırsan?”
Camaat, görünür, itkin düşәn qızı unutmuşdu, daha heç kim
onu xatırlamırdı. Siss bu sualını anasına vermirdi, ona elә gәlirdi
ki, bu ağır, gücü çatmayan yükü tәk daşımalıdı. Buz qәsrdә
keçirdiyi gecә tez-tez yadına düşürdü. Yazda qar yerә daha rahat
oturanda xizәklә ora gedәcәkdi.
Hәr halda, anasına yaxınlaşıb düz gözünün içinә baxa-baxa
gileylәndi:
– Unnu daha unudublar.
– Kim?
Siss:
– Hamı, – dedi.

86