Page 83 - Tarey Vesos_Макет 1

Buz qəsr
– Hә, әlbәttә, belә şey ola bilmәz, – dedi. Daha Sissi çaşdırmaq
çәtin mәsәlәydi. Qәflәtәn: – İşdi, Unn qayıdıb gәlmәsә, necә? –
soruşdu vә özü öz sözlәrindәn diksinib dediyinә peşman oldu.
– Belә suallara ehtiyac yoxdu, Siss.
– Hә, әlbәttә...
Amma hәr halda, sualına cavab aldı:
– Bil ki, mәn dә bu haqda düşünmüşәm. Unn qayıtmasa, evi
satıb buradan gedәcәm. Unnla birlikdә bu evdә cәmi yarım il
yaşasaq da, hiss edirәm ki, daha burada qala bilmәrәm... – Az
sonra: – Yaxşı, – dedi, – gәl bu haqda danışmayaq. Unn hәr
dәqiqә gәlib çıxa bilәr. Nә olsun ki, hәlә dә sәs-sorağı yoxdu.
Narahat olma, mәn bu otaqda heç nәyә әl vurmayacam.
Bunu haradan bildi? – Siss düşündü.
Vә narahatlıqla:
– Evә gedim, – dedi.
– Hә, hә. Çox sağ ol ki, gәldin.
Elә düşünür, nәsә bilirәm. Bir dә bura gәlmәyәcәyәm. Xala
bayaqkı kimi nurlu vә tәmkinliydi. Siss evә tәlәsirdi. Şükür ki,
hәr şey arxada qaldı.

8

Mәktәb

Sәhәrisi gün Siss mәktәb hәyәtinә gәlib çatanda, adәtәn, ilin
bu vәdәlәrindә olduğu kimi, hәlә qaranlıq idi.
Dәrhal onu dövrәyә aldılar. Mәktәbdә Sissi çox istәyirdilәr.
– Axır ki gәlib çıxdın!
– Sağalmısan?
– Hәmin gecә çoxmu çәtin keçdi?
– Niyә Unnun başına bu iş gәlsin? Heç cür tәsәvvür elәmәk
olmur. Heç bir iz dә yoxdur? – Siss kәsә cavab verirdi. Odur ki,
mәktәb yoldaşları onu daha narahat etmәk istәmәdilәr.
O birilәri gәldi vә onu sıx dövrәyә aldılar. Aralarında tәk
qızlar deyil, oğlanlar da vardı vә hamısı tәxminәn eyni yaşda idi.
83