Page 79 - Tarey Vesos_Макет 1

Buz qəsr
7

Unnun xatirәsi silinmәyәcәk

Ona görә dә Unnun xatirәsi silinmәyәcәk. Siss öz otağında
belә qәrar verdi. Onun vәdlәri burada yaranmışdı.
Bir hәftә sonra ayağa qalxdı. Bütün hәftә boyu qar pәncәrәni
döyәclәdi, yuxusuz gecәlәr uzandıqca uzandı, indiyәcәn buralarda
belә qar olmamışdı vә bu hiss onu rahat buraxmırdı. Sanki bu qar
Unnla bağlı hәr şeyi içindә basdırmaq istәyirdi. İzi itirib üstündәn
keçmәk. Onun hәmişәlik yox olduğuna azca da şübhә yeri qoy-
mamaq. Onu tapmaq ümidini dә dәfn etmәk.
Elә bu vaxt Sissin daxilindә müqavimәt yarandı – möhkәm
vә kәskin. Elә vәdlәr dә onda doğuldu. Unnu axtaranların sayının
günü-gündәn әriyib azaldığını eşidirsәnsә, başqa cür ola bilmәzdi.
Onda, demәli, bütün cәhdlәr әbәs idi.
Unn qeyb olmayacaq. O, itә bilmәz. Siss öz otağında belә
qәrara gәldi.
Daha onu suallarla bezdirmirdilәr. Kimsә qadağan etmişdi.
Unnun xalasının yanına getmәli olduğunu düşünәndә bәdәni
әsirdi. Sağalıb ayağa duranda ilk işi bu olmalıydı.
Xalanın Sissin yanına gәlib onu sorğu-suala tutacağını
gözlәmәk әbәs idi. Xala daha görünmürdü. Sissә çölә çıxmağa
icazә verilәn kimi özü xalanın yanına getmәliydi. Ona belә
demişdilәr.
Qızdırmalı olduğu gecәlәrdәn birindә aydın görürdü: Unn
itmәyib, ovaxtkı kimi, öz otağının ortasında dayanıb.
Salam, Siss.
Artıq Siss ayağa qalxıb. Sabah yenidәn mәktәbә getmәlidi vә
bu, onu qorxudur. Bu gün hәmin o tәnha qadınla – Unnun
xalasıyla görüşәcәk. Suallardan qaçmaq mümkün olmayacaq.
Siss yola düzәlir.
Ağappaq bir qış günü. Anası ehtiyatla soruşdu ki, bәlkә, o da
qızıyla getsin. Axı söhbәtlәri elә dә yüngül olmayacaq. Belә
görünürdü ki, anası onu tәk buraxmağa ehtiyat edir.
Siss tez-tәlәsik:
79