Page 81 - Tarey Vesos_Макет 1

Buz qəsr
Xala da susdu, sonra qalxıb onunla yanaşı әylәşdi:
– Bәlkә, Unn barәdә nәsә soruşmaq istәyirsәn? – dedi. –
Buyur, eşidirәm.
Siss:
– Nә? – soruşdu.
Özü bu dәqiqә büzüşüb sual gözlәyirdi.
– Әvvәl nәyi soruşmaq istәyirsәn?
– Heç nәyi, – Siss cavab verdi.
Xala:
– Bu, nә sirdi, görәn? – soruşdu.
Siss anlamadı. Sәsini qaldırdı:
– Doğrudanmı onu tezliklә tapa bilmәyәcәklәr?
– Hәr gün ümidlә gözlәyirәm, amma...
Bu nәdi, xala da ümidini itirib? Nәsә qәribә danışır.
– Onun otağına baxmaq istәyirsәn?
– Hә.
Xala Unnun otağının qapısını açdı. Siss dәrhal nәzәr yetirib,
burada hәr şeyin әvvәlki kimi qaldığına әmin olmaq istәyirdi.
Güzgü, stul, çarpayı, rәfdәki albomlar. Hamısı yerindәdi. Bir dә
ki, üstündәn bir elә vaxt da keçmәyib axı...
Hәm dә düşündü ki, burada heç nәyә toxunmaq olmaz, Unn
qayıdanacan hәr şey, necә varsa, elә dә qalmalıdı.
Xala dedi:
– Stulda әylәş.
Siss keçәn dәfәki kimi stulda oturdu. Xala çarpayının bir
küncündә әylәşdi. Bütün bu mәnzәrә nәsә qәribәydi. Siss özü dә
gözlәmәdәn soruşdu:
– Unn niyә belәdi axı?
Xala yumşaq tәrzdә:
– Onda qeyri-adi nә var ki? – soruşdu.
Hәr ikisi Unn haqqında sağ adam kimi danışmağa çalışırdı.
Siss qәtiyyәtlә:
– Unn ürәyiaçıq qızdı, – dedi.
– Hә, hәm dә hәmin gecә şәn idi, elәmi?
Siss cavabında özünü unudub:

81