Page 77 - Tarey Vesos_Макет 1

Buz qəsr
tәnha qadının, Unnun yeganә dayağının yanına aparırdı. Heç
hara aparmayan yollar bu duru, sulu gözlü insanın yanında
birlәşirdi.
O qadın:
– Aydındı, – deyirdi, – sizә minnәtdaram, – deyirdi. –
Әlimizdәn nә gәlir axı?
Unnun hәyatdakı dayağı.
Ötәnilki foto. Baxışlarda sual var. On bir yaşlı Unn. Şәkil
xalanın stolu üstündәdi. Yorğun insanlar ona gün boyu nә
etdiklәrindәn danışırlar. Sәhәri gün hava işıqlaşan kimi o birilәr
gәlir. Qar bütün gecәni yağdı. Qış çox qarlı keçәcәyini vәd edir.
İndi xala o birilәrin hesabatını dinlәyir. Unnun axtarışları
müxtәlif istiqamәtlәr, geniş әhatәlәr üzrә aparılır. Heç bir iz yox-
du.
– Aydındı. Hә, әlbәttә. Mәn sizә minnәtdaram.
Bәzәn ondan nәsә soruşmağa da gәlirlәr. Axtarışa kömәk edә
bilәcәk hәr şey onları maraqlandırır. Amma demәyә sözü yoxdu.
Qarşılarında yaşlı, xeyirxah bir qadın әylәşib. Yәqin, Unnun
anasından xeyli böyük olar. Onlar artıq hamının gördüyü şәklә
baxırlar.
– Ötәn yay çәkilib, elәmi?
Xala başını tәrpәdir. O yorulub.
Bu “ötәn yay” sözü lap әvvәldәn bu fotoya nәsә bir parıltı
verib. Sәbәbi mәlum deyil. Ötәn yay. İnsanlar şәklә baxır vә
yaddaşlarına hәkk edirlәr.
Onlar sınayıcı nәzәrlәrlә bütün bunlara dözmәli olan xalaya
baxırlar. O, heç dә güclü insan tәsiri bağışlamır. Amma onlar
dәrk edirlәr ki, qarşılarındakı bu qadın çox güclü, çox tәmkinlidi.
Mütlәq cavab vermәli olduğu zәruri sual:
– Unn necә qız idi?
– Mәn onu çox istәyirdim.
Vәssalam.
Bu cavab dәfәlәrlә sәslәnsә dә, bu sözü eşidәn hәr kәs
düşünür ki, bundan yaxşısını demәk olmazdı. Onlar istәr-istәmәz
yenidәn şәklә baxmalı olurlar.
– Burada elә baxır ki, elә bil nәsә soruşmaq istәyir.
77