Page 73 - Tarey Vesos_Макет 1

Buz qəsr
4

Qızdırma içindә

Unn qapının ağzında dayanıb ona baxır.
Mәgәr Unn itmәyib?
Yox. Unn qapının ağzında dayanıb ona baxır.
– Siss?
– Gәl içәri...
Unn başını tәrpәdib otağa keçir.
– Siss, sәnә nә olub? – soruşur, amma sәsi nәsә qәribәdi.
Sonra dәyişilir. Bu, heç dә Unn deyil, anasıdı.
Siss öz balaca otağındakı yataqda uzanıb qalmışdı. Fikirlәr
bir-birinә qarışmışdı. Unnu gördü, amma demә, anasıymış. Hәr
şey sanki duman içindәydi.
– Siss, sәn xәstәlәnmisәn. Qızdırmanın içindәsәn. – Anasının
sәsi yumşaq vә tәmkinliydi. Davam etdi: – Bu gecәni meşәdә
keçirmәyin sәnә ağır olub. Evә xәstә qayıtmısan.
– Unndan nә xәbәr?
– Bildiyim qәdәriylә, tapılmayıb. Hәlә dә axtarırlar. Amma
sәn bu sәhәr qaçıb gәlәndә әmәllicә xәstәydin.
– Mәn dә bütün gecәni axtarmışam!
– Әlbәttә, amma hәm dә xәstәlәnmisәn.
– Biz böyük donmuş şәlalә tәrәfә, bir dә çay tәrәfә gedib
çıxmışdıq... Sonrasını xatırlamıram.
– Hә, atan sәni evә gәtirәndә halın çox pis idi. Düzdü,
birtәhәr dә olsa, öz ayaqlarınla gәldin. Sonra hәkim çağırdıq.
Dedi ki...
Siss sözünü kәsdi:
– İndi saat neçәdi? Axşamdı?
– Hә, yenә axşamdı.
– Bәs atam? O haradadı?
– Hamıyla birlikdә. Axtarışlar hәlә davam edir.
Siss düşündü ki, demәk, hәr halda, atası ondan güclüdü. Vә
bu, ona xoş gәldi.

73