Page 75 - Tarey Vesos_Макет 1

Buz qəsr
Yenәmi yuxuya getdin? Olmaz. Görәn, özümdә olmayanda
nә demişәm? Nәsә demişәmmi?
– Siss, çalış yadına sal, Unnla nә barәdә danışmısız, o, sәnә
nә deyib?
Siss nәsә dәhşәtli bir şeyin onun üstünә gәldiyi hissiyyatıyla
yorğandan yapışdı. Ana davam etdi:
– Atan da elә bunu bilmәk istәyirdi. Hәm dә tәk atan yox,
Unnu axtaranların hamısı. Onlara nә kömәk elәyә bilәrsәn?
– Dedim axı, heç nә bilmirәm.
– Buna әminsәn? Sayıqlayanda elә qәribә şeylәr deyirdin ki,
biri o biriylә qәti uyuşmurdu.
Siss tәşvişlә anasına baxdı.
– Demәk lazımdı, Siss. Sәni qorxutmaq istәmirәm, amma
bu, çox vacibdi. Axı bütün bunlar hamısı Unna görәdi.
Siss hәmin o dәhşәtli nәsnәnin başı üstündәn asılıb onu necә
qamarlamaq istәdiyini hiss etdi.
– Әgәr demәyә sözüm yoxdu deyirәmsә, demәli, doğrudan
da, yoxdu!
– Siss...
Qәflәtәn gözlәri qaraldı vә sinәsindәn dәhşәtli bağırtı qopdu.
Ana yatağa tәrәf atıldı. Siss qışqırdı:
– O, mәnә bunu demәyib!
Vә Siss büsbütün zülmәtә qәrq oldu.
Tәşviş keçirәn ana Sissi silkәlәdi. O, özünü döyә-döyә
inildәyirdi.
– Siss, biz daha sәndәn heç nә soruşmayacağıq! Eşidirsәn?
Siss, mәn bilmirdim ki, sәn...

75