Page 71 - Tarey Vesos_Макет 1

Buz qəsr
İnsanlar axtarışları davam etdirirdilәr. Onlar özlәriylә hәyatı
vә işığı daşıyırdılar. İndi namәlum bir qәsrә gәlib çıxmışdılar. Bu
yer gözlәrinә ölüm qәsri kimi göründü. Divarları daş kimi
möhkәm idi. Taxtayla vuranda taxta geri dartınırdı vә zәrbәdәn
әllәri әsirdi. Heç bir tәrәfdәn deşik açılmırdı. Bununla belә,
zәrbәlәrә ara vermirdilәr.

3

İnsanlar buradan gedәnәcәn

Onlar çıxıb getmirlәr, dayanıb gözlәyirlәr.
Gedә bilmirlәr.
Alınmaz buz qәsr onların başı üzәrindәn yüksәlir, öz
günbәzlәrini qaranlığın vә qış külәyinin ixtiyarına verib, sanki
hamını vә hәr şeyi әlindә saxlayır. Sanki elә buradaca әbәdi
dayanıb-duracaq. Amma elә deyil, ömrünә az qalıb, bir gözәl yaz
günü әriyib çökәcәk.
Amma bu gün hamı onun ixtiyarındadı. Vә onlar burada
lazım olandan da artıq qalmalıdı, çünki itәn var.
Yәqin, artıq özlәrinә hakim kәsilә bilmirlәr. Tamam heydәn
düşsәlәr dә, axtarışlara son verә bilmirlәr, artıq baş çәkdiklәri
yerlәrә dәfәlәrlә qayıdırlar. Bu bağlı buz qәsr öz hәyatını yaşaya-
yaşaya onları yanından buraxmır.
Bu qәsrә hәyatı onlar özlәri veriblәr – gecәnin lal sükutunda
bu ölü buz layına işıq vә hәyat gәtiriblәr. Onlar bura gәlәnәcәn
şәlalә kor-koranә şәkildә qәmli uğultuyla bura öz suyunu axıdırdı,
buz sünbüllәr hәnirtisi belә gәlmәyәn meyitdәn savayı, bir şey
deyildi. Vә yalnız onların gәtirdiklәri hәyatla, burada hökm sürәn
ölüm arasında oyun başlananda hәr şey dәyişdi, onlar bura niyә
gәldiklәrini anladılar.
Amma әsas bu deyil.

71