Page 72 - Tarey Vesos_Макет 1

Tarey Vesos
Burada sirli nәlәrsә var. Onlar öz şәxsi dәrdlәrini yada salır
vә onları da ölüm qoxulu, odlu-alovlu bu gecә oyununa qatırdılar.
Özlәrini bu oyunun ixtiyarına verir vә yüngüllәşirdilәr. Buz
dalan-bucaqlarda oturur, fәnәrlәri oralara istiqamәtlәnәndә işıq,
buz çalalar vә çatlarla rastlaşır, bir anlıq qәsrin yeni tәrәflәri
gözlәri önündә açılır – әlbәttә, yenidәn әbәdi qapanmaq üçün.
Bütün bunlar onlara tanış gәlir. Bura tәhlükәlidi. Amma bu
tәhlükә elә cәzbedicidi ki, onun cazibәsindәn çıxmaq olmur.
Bura keçmәk mümkün deyil. Әvvәl giriş kimi görünәn bu yer,
demә, kölgәlәrin oyunu imiş.
Buradan getmәk lazımdı, amma özlәrinә güc gәlә bilmirlәr.
Onlar hәlә dә bu sarayla aralarında gedәn oyunun ixtiyarın -
dadılar. Sanki nәsә onları tilsimlәyib, xәstәhalcasına axtarışları
davam etdirirlәr – tәhlükәdә olan doğma adamı axtarırlar, ancaq
özlәri dә tәhlükәdәdi. Onlar – bu sәrt kişilәr yorulublar, amma
ovsundan çıxa bilmirlәr vә deyirlәr: bax buradadı. Sәrt, gәrgin
sifәtlәriylә qapalı, cәzbedici qәsrin buz divarlarının ayağında
dayanıb, sanki himә bәnddilәr – aralarından hansısa biri matәm
nәğmәsi oxumağa başlasa, dәrhal hamı ona qoşulacaq.
Ağzı açıq qalmış Siss onlara baxa-baxa anlayır ki, bu insanlara
nәsә olub. Onların oxumağa hazırlaşdığını görür. Atası da hazırdı.
Atası oxusaydı, dona-dona dayanıb qulaq asar, qәsrin divarlarının
necә aralanacağını gözlәyәrdi. O, tәşviş içindә yaşlı kişilәrә
baxırdı.
Amma oxuyan yoxdu, demәli, mahnı da olmayacaq. Bu
insanlar axtarmağı bacarır, amma ürәklәrindә olanları gizlәtmәyi
dә bacarırlar.
Rәhbәr deyir ki, yolu bir dәfә dә keçsinlәr. Ümumi ovqat ona
da sirayәt edib. İndi ondan da nә desәn, gözlәmәk olar. Hamı
ürәyindә bilir ki, vaxt itirmәk olmaz. Hamar buzun üzәrindә
güclә hәrәkәt edir, qәsrin qar basmış damına qalxır, amma heç nә
tapmırlar. Suyun aramlı axını gözlә görünmәyәn dәrinlikdәn
qalxıb qәsrin altından çıxır vә yoluna davam edir. Amma onlar
yola davam etmәdilәr. Rәhbәr: “Daha gecdi, gedәk”, – deyir.
Amma matәm nәğmәsini özü dә başlaya bilәrdi.

72