Page 88 - Tarey Vesos_Макет 1

Tarey Vesos
Unn qayıdacaq – bunun üçün bütün dünyanın istilәşmәsi
lazım gәlәrsә belә. Mәn bunu bilirәm vә başqa heç nә barәdә
düşünmәyәcәyәm. Mәnә ilahi vergi verilib.

10

Quş

Vәhşi bir quş polad caynaqlarıyla, tünd rәngli ildırım kimi,
iki yüksәkliyin arasından uçub-keçdi. Yerә oturmadan elә hey
qalxdı vә yoluna davam etdi – dincәlmәdәn, mәqsәdsiz, özünü
bütünlüklә havanın ixtiyarına verәrәk.
Aşağıya qışın qar sәhrası sәrilmişdi. Quşun iti gözlәri yeri
hissәlәrә bölürdü vә oradan sanki şaxtalı havanı dәlib-keçәn
gözәgörünmәz şüşә vә ildırım qırıntıları qalxırdı.
Burada, yüksәklikdә bu quş külli-ixtiyar sahibiydi, yәqin,
ona görә dә bu yerlәrdә başqası yox idi. Buz kimi soyuq polad
caynaqlar sәs sala-sala havanı dәlib-deşirdi.
Quş sәhralıq dağәtәyini gözüylә nazik çığırlara vә yollara
bölürdü. Bu quş ölüm idi. Әgәr kolluqlarda, ya ağacların altında
bir canlı görünürdüsә, gözlәri ildırım kimi çaxır vә o, çәpәki
uçuşla yerә istiqamәtlәnirdi. Vә bu zaman daha bir hәyat azalırdı.
Özü kimisini görmәmişdi.
Qarlı vadilәr üzәrindә uçuş onun gündәlik hәyat tәrziydi.
Bütün ömrü havada keçmişdi vә yorğunluq nә olduğunu bilmәmişdi.
O, әbәdi idi.
Dağın әtәklәri üzәrindәn amansız çovğun keçdi. Açıq yerlәrdә
olan qar şahә qalxdı, bir yerdә dayanıb-durmadı. Hәlә әsl istilәr
düşmәmişdi. Nәhәng qar tәpәlәri yerlә bir olmuşdu. Ardınca
aydın, günәşli, şaxtalı hava gәldi. Quşun bıçaq tiyәsi kimi iti
gözlәri yerdәki bu dәyişikliklәri müşahidә edirdi.
Quş buz qәsrin üzәrindә idi. Bu gün üstündәki qar tәmizlәnmişdi
vә qәsr әsl görkәmindә idi. Quş bu dәyişikliyi görüb ildırım kimi

88