Page 62 - Tarey Vesos_Макет 1

Tarey Vesos
Siss balaca meşәliyә girәndә ayaqları sәndirlәdi. Bütün yol
boyu elә addımlamışdı ki, fәnәrlәri görә, sәslәri eşidә bilsin.
Atası onu gözündәn kәnara qoymurdu vә o, dәstәnin sonunda
gәlirdi. Budur, balaca meşәlikdә Unnu düşünәn kimi ayaqları
sәndirlәdi.
Unn haradadı?
– Ey, – yaxınlıqdan sәs gәldi, amma o artıq bu haraylara fikir
vermirdi, sәs dörd bir tәrәfi bürümüşdü.
Ayaqları sәndirlәdi. Amma yorğunluqdan yox, narahatlıqdan.
Bircә Unna heç nә olmayaydı!
Arxadan addım sәslәri gәldi. Geri dönәndә әlifәnәrli cavan
oğlanı gördü. Sissi görәn kimi cavan oğlanın sifәti saf vә sәmimi
sevinclә parladı.
– Ey!
Siss onun sәsindәn büzüşdü. Oğlan artıq ona yaxınlaşırdı.
– Demәk, sәn burdaymışsan! İndi daha әlimdәn qaça bilmәzsәn!
Hiss elәyirdi ki, iki güclü әl onu necә qucaqlayıb qaldırır. Bu
әllәr sonsuz sevinc içindә idi, az qala, onu boğmağa hazır idi.
– Sәni tapacağıma әmin idim, hiss edirdim!
Mәsәlәnin nә yerdә olduğunu anladı.
– Mәn o qız deyilәm!
Oğlan güldü.
– Get başqasını dola. Di bәsdi, getdik...
– Dedim axı, o qız mәn deyilәm. Mәn dә başqaları kimi
Unnu axtarıram.
Oğlan:
– Demәk, sәn Unn deyilsәn? – soruşub sakitlәşdi.
Oğlandan bu sözlәri eşitmәk ona xoş idi, amma düzünü
demәliydi:
– Yox, mәn Sissәm.
Güclü әllәr onu elә tez buraxdı ki, yıxılıb әmәllicә әzildi.
Cavan oğlan hirslә dedi:
– Bәsdi burada veyllәndin! Hamı elә bilәcәk ki, Unn sәnsәn.
– Mәn gәrәk sizinlә olam. Mәn onunla rәfiqәyәm. Unnla
rәfiqәyәm.

62