Page 56 - Tarey Vesos_Макет 1

Tarey Vesos
– Aranızda Unnla dostluq edәn, onun xәstә olub-olmadığını
bilәn varmı? – soruşdu. – Axı o, mәktәb açılandan bir gün dә
dәrs buraxmayıb.
Sinif susurdu, Siss özünü güclә saxlamışdı.
Müәllim soruşdu:
– Doğrudanmı o, belә tәkdi?
Siss yerindәn dillәndi, hәtta qışqırdı:
– Yox, elә deyil.
Hamı ona sarı döndü. Siss qızardı.
– Siss, sәn idin?
– Bәli.
– Sәn Unnla rәfiqәsәn?
– Bәli.
Uşaqların baxışlarında şübhә әmәlә gәldi.
– Demәk, sәn ona nә olduğunu bilirsәn, elәmi?
– Bu gün onu görmәmişәm.
Sissin sifәtinin ifadәsi elә qәribәydi ki, müәllim söhbәti
davam etdirmәyә qәrar verdi. Ona yaxınlaşdı:
– Sәn dedin ki...
– Dedim Unnla rәfiqәyik, – müәllimin sözünü ağzında qoydu
vә düşündü ki, artıq hamı bunu bildi.
Yaxınında oturan qızlardan birinin baxışlarından bu sualı
oxudu: nә vaxt çatdıra bildin? Vә odur ki, әrklә davam etdi:
– Biz dünәn axşam dostlaşmışıq. Aydın oldu?
Müәllim:
– Әzizim, – dedi, – mәgәr burada sәnin xәtrinә dәyәn oldu?
– Xeyr, amma...
– Demәk, dünәn axşam Unn xәstә-zad deyildi, elәmi?
– Bәli.
– Yaxşı. Olarmı bu gün evә gedәndә әvvәlcә ona baş çәkib
nә baş verdiyini öyrәnәsәn? Düzdür, yolunuz bir deyil, amma
әziyyәt dә olsa, dost üçündü.
Siss:
– Yaxşı, – dedi.
– Çox sağ ol.

56