Page 52 - Tarey Vesos_Макет 1

Tarey Vesos

II

Qarlı körpülәr

1

Unn itib
Bu, nә idi, yalnız qәribә bir yuxumu?
Dünәnki axşam – Unn vә mәn?
Hә!
Yuxudan tam ayılanda hәr şeyi tam aydınlığıyla dәrk etdi:
bu, gerçәk idi. Qorxu vә sevinc dolu gerçәklik.
Bu gün hisslәrinә hakim kәsilәn yalnız budu – Unnu yenidәn
görmәk istәyi. İndi dәrsә gedib onunla görüşәcәk. Bu gün çox
şey dәyişib, indi hәr şey fәrqlidi.
Siss yerindәn dәrhal qalxmadı: onu gözlәyәn bu yeni gün
haqqında düşünmәliydi. Baş verәnlәri bütün xoş müjdәlәriylә
hiss etmәk üçün bacardıqca tәntәnәli şәkildә özünә söz verdi: biz
Unnla әbәdi rәfiqәyik.
Valideynlәri heç nә soruşmadılar, dünәn axşamkı qәribә
qayıdışıyla bağlı onunla bir kәlmә dә kәsmәdilәr. Yәqin, gözlәmәyә
qәrar veriblәr. Bir-iki gün. Sonra guya tәsadüfәn soruşacaqlar.
Onlar, adәtәn, bu üsulla, demәk olar, hәr şeyi öyrәnirlәr.
Amma bu haqda bilmәyәcәklәr! Bu, sәrhәddәn kәnardı. Unn
barәsindә heç kim ondan bir kәlmә dә çıxara bilmәz. Unnun
baxışlarından boylanan işıq çox zәrif idi. Bunu açıb demәk ol-
maz.
Gün hәmişәki kimi başladı. Siss isti paltarlarını geyinib
çantasını әlinә aldı vә mәktәbә yollandı.
Görәn, hansı birinci gәlәcәk? Onlar müxtәlif istiqamәtlәrlә
gәlirlәr, yalnız mәktәbә yaxın balaca bir yerdә yolları birlәşir.
Hәmin yerdә heç vaxt rastlaşmayıblar.

52