Page 54 - Tarey Vesos_Макет 1

Tarey Vesos
– Sabahınız xeyir, – dedi.
Doğrudanmı Unn gәlmәyәcәk.
Bu zaman ağlından keçәni sinifdә tәsdiqlәdilәr:
– Unn bu gün yoxdu.
Dәrs başlandı.
Unn bu gün yoxdu. Sakit tonla qeyd olundu. Doğrudur,
müәllimi diqqәtlә dinlәyәn Siss onun sәsindә nәsә yüngül bir
tәәccüb hiss etdi. O birilәr isә, yәqin, heç nә sezmәdilәr. Bu gün
biri yoxdu, sabah da o biri olmayacaq. Burada hәyәcanlanmalı
nә var ki? Müәllim Unnun bu gün dәrsә gәlmәdiyini qalın
jurnalda qeyd etdi. Vәssalam.
Parta arxasında әylәşәn Siss әsәb keçirirdi.
Bilirdi ki, Unn heç vaxt dәrs buraxmır. Demәli, nәsә bir
hadisә olmuşdu. Siss dәrhal bunu dünәnki görüşlәri ilә әlaqәlәndirdi.
Bәlkә, Unn bu gün, sadәcә, onun gözünә görünmәk istәmәyib?
Doğrudanmı bu qәdәr utancaqdı?
Fasilә zamanı Siss özünü bacardıqca tox göstәrmәk istәdi.
Görünür, buna nail ola bildi: ona nәsә deyәn olmadı. Heç bu gün
mәktәbә gәlmәyәni dә yada salmadılar. Hәm dә, hәr halda, o qız
onlara yad idi.
Dәrs öz axarıyla gedirdi. Gecikmiş qış günәşi çıxıb әlini var
gücüylә pәncәrәyә vurdu. Siss sәbirsizliklә dәrsin bitmәsini
gözlәyirdi. Unnun yanına gedib nә baş verdiyini öyrәnmәk
istәyirdi. Amma gün elә hey uzanmağındaydı.
Günortadan sonra günәş tutuldu – özünün üfüqә tәrәf olan
qısa yolunu başa vurmamış göy üzü boz, xovlu buludlarla
qarşısına pәrdә çәkdi.
Müәllim yerindәn dedi:
– Xәbәr veriblәr ki, bu gün hava dәyişәcәk, hәtta qar da
deyiblәr.
Qar.
Bu ilin ilk qarı.
Qar – qısa vә yığcam bir söz.
Necә dә xüsusi sәslәnişi var. Bu sözün arxasında nәlәrin
dayandığını bütün sinif gözәl bilirdi. Qar. Onların hәyatlarının
böyük bir hissәsi.
54