Page 40 - Tarey Vesos_Макет 1

Tarey Vesos
Tәpә burada bir az әyri idi. Çay bu yerdә qara daşların vә
parıltılı buzların yaratdığı tәbii tacların arasıyla axdığından, sәsi
eşidilirdi.
Unn bilirdi ki, bura tәk düşmәyә ona icazә vermәzdilәr.
Düşündü ki, deyәsәn, heç özü dә istәmir. Amma әslindә, özü
bunu get-gedә daha çox arzulayırdı.
Artıq onu özünә çәkәn uğultu lap aydın eşidilirdi. Sәs hәlә
uzaqdaydı, amma onu özünә çәkdikcә, ora düşmәyin düzgün
qәrar olduğunu düşünürdü.
Bu narahat qaçışdan qızınmışdı. Dayananda nәfәsindәn sanki
xırda buludlar çıxırdı. Qalın paltoda qaçmaq narahat idi. Unn
bәrk istilәndi, gözlәri parıldayırdı. Tәpәdә dayanıb-duranda
nәfәsini daha tez-tez alırdı vә isti canından çıxan xeyli buludcuqlar
yan-yörәsindә fırlanırdı.
Tәpә bir az da әyildi, çayın sәsi artdı, amma şәlalәnin hәm
hәdәlәyici, hәm dә cәzbedici kar uğultusu hәlә dә haradasa
uzaqdaydı.
Qәtiyyәtlә düşündü:
Mәn istәmirәm.
Amma istәyirdi. Vә bu da, haradasa, Sisslә bağlıydı. Yeganә
düzgün qәrar yola davam etmәk idi. Hәm dә bilirdi ki, bunu
etmәk olmaz. Amma artıq mәqsәddәn imtina mümkün deyil.
Bütün bunlar Sisslә vә qarşıda onu gözlәyәn yaxşı nә varsa,
onlarla bağlıydı. Әgәr indi aşağıdan sәsi gәlәn yerә çatmadan
geri dönsә, evә әliboş qayıtsa, ona elә gәlәcәk ki, nәdәnsә
mәhrum olub, axtardığını tapa bilmәyib.
Birazdan şәlalәnin uğultusu kәsildi. Çay sürәt yığmağa
başladı, üzәrindә sarımtıl zolaqlar әmәlә gәldi.
Unn tәpәnin altıyla süpürgә kollarından salınan gümüşü
xalının üstüylә qaçırdı. Hәrdәn-hәrdәn qarşısına hansısa bir ağac
çıxırdı. Uğultu get-gedә artırdı. Qәflәtәn qarşısında sanki onu öz
yanına çağıran su buludu peyda oldu: yarğanın sonuna, şәlalәnin
әvvәlinә gәlib çatmışdı.
Bu, elә gözlәnilmәdәn baş verdi ki, daş kimi donub-qaldı, elә
bil bir addım da atsaydı, bu yüksәklikdәn aşağı yıxılacaqdı.

40