Page 36 - Tarey Vesos_Макет 1

Tarey Vesos
Vә budu, istәyinә çatdı. Daha xalasının mülayim sәsi, inadkar
harayı da eşidilmәz olub: “Unn, bura gәl!” Elә bilir, Unn mәk -
tәb dәdi.
Bәs mәktәbdә nә düşünürlәr?
O, bu haqda fikirlәşmәmişdi.
Hә, yәqin, elә bilirlәr, xәstәlәnib. Ola bilәr dә. Әlbәttә.
Görәn, Siss dә belә düşünür? Bәlkә, Siss mәsәlәnin nә yerdә
olduğunu anlayıb?
Unn qaçırdı vә donmuş, daş kimi möhkәm torpaq ayaqları
altında tappıldayırdı. O, ara-sıra qarşısına çıxan qara şehli ağacların
arası ilә elә gizlәnә-gizlәnә qaçırdı ki, yad gözlәr onu görmәsin.
Әvvәlcә buzun üzәrinә çıxmaq, sonra sahil boyu hәrәkәt etmәk
lazım idi.
Siss. Bu dәqiqәlәrdә yalnız onu düşünürdü. Sabah, hәr şey
bir az yoluna düşәndәn sonra onunla necә görüşәcәyi barәdә
düşünürdü. Bu görüş heç dә bugünkü kimi çәtin olmayacaqdı.
İndi daha tәk deyil. Tezliklә hәr sözünü deyә bilәcәyi birisini
tapıb.
O, sevinc içindә qırov örtmüş torpağın üstüylә, qırova bürünәn
vә gümüş kimi parıldayan çinarların arasıyla aşağı, buza tәrәf
qaçırdı. Artıq demәk olar, hava tamam işıqlaşmışdı. İri, solmuş
yarpaqlar vә solğun kolluqlarla örtülmüş torpaq. Unn yüyürәn
zaman onlara toxunurdu vә gümüşü qırov onun uzunboğazları
altında şәkәr tozu kimi astadan xırçıldayırdı.
O, sevinclә düşündü:
Get-gedә daha da qalınlaşır.
Buz belә olar da.
Gecәlәr xırçıldayır. Yәqin ki, kimsә bu sәsdәn yata bilmәyib
fikirlәşir: buz bir az da qalınlaşdı...
Belә şaxtada onların köhnә kәnd evlәrinin divarları da
xırçıldayır. Xalası deyir ki, bu, şalbanın sıxılmağındandı. Gecәlәr
bu sәslәri eşidәndә “get-gedә qalınlaşır” demәmәlisәn, düşünmәlisәn
ki: “...şaxtaya bir bax, evi dә çatladır”.
Artıq sahildә dayanıb-durmuşdu. Yәqin, onu görüb-elәyәn
olmayıb. Demәk, heç kim heç nә demәyәcәk.

36