Page 38 - Tarey Vesos_Макет 1
P. 38
Tarey Vesos
Bu müdhiş yarğan.
Unn tәrpәnәndә kölgә ardınca süründü vә dәliyә düşüb yox
oldu, sanki harasa qeybә çәkildi. Bu, elә tez baş verdi ki, Unn
sәksәndi vә nә baş verdiyini yalnız sonra anlaya bildi.
Onu yüngül әsmәcә tutdu, elә hiss yarandı ki, sanki suda
uzanıb. Bir anlıq başı gicәllәndi, amma dәrhal altındakı etibarlı,
qalın buzun varlığını hiss etdi.
Bununla belә, pillә-pillә parçalanan dәrinliyә baxmaq heç dә
xoş deyildi. Üzә bilmәyәnin belә yerdә işi bitdi. Unn üzmәyi
artıq öyrәnmişdi, amma haçansa suya girә bilmәdiyi vaxtlarda
eynәn belә bir vәziyyәtә düşmüşdü. Belә gәzdiyi vaxtların birindә
qәflәtәn ayaqlarının altı boşalmış vә sürüşüb indicә suya düşәcәyini
hiss etmişdi. Bu zaman hansısa güclü bir әl onu geriyә, etibarlı
bir yerә, sevinclә ona baxan dostlarının yanına çәkmişdi.
Hәlә dә o müdhiş pillәlәri düşünәn zaman qәflәtәn aşağıdan,
zülmәt qaranlıqdan nazik bir zolaq ox kimi ona tәrәf atıldı. Balıq
sanki onun sifәtini nişan almışdı vә Unn onları ayıran buz qatını
unudub geriyә sıçradı. Әvvәl balığın boz-yaşıl bәdәni, sonra başı
göründü. Donuq gözlәr bir anlıq maraqla Unna baxdı.
Vәssalam. Balıq elә o an yenidәn öz dәrinliyinә qayıtdı.
Bilirәm, o balığa yuxarıda nә lazım idi. Tәsәvvür elәyirәm
ki, indi o balıq orada, hәmin dәrinlikdә o biri balıqlara mәndәn
nәlәr danışır. Bu hәtta adama xoş gәlir.
Amma bu çoxbilmiş balıq hәr şeyi korladı. Unn üşüdüyünü
hiss etdi. Qalxıb yoluna davam elәdi – gah qaça-qaça, gah yeriyә-
yeriyә, gah da hamar buzun üstüylә sürüşә-sürüşә. Hәrdәn sahilә
çıxıb qarşılaşdığı kәlә-kötür yerlәri tez-tәlәsik keçir, yenidәn
sürüşkәn buzun üstünә qayıdırdı. Qızındı vә kefi düzәldi.
Xeyli yol qәt etdi. Çay uzaqda idi.
Birtәhәr onun mәcrasına gәlib çata bildi. Şәlalәnin nә özünü
görә bildi, nә dә sәsini eşitdi. Şәlalә aşağıda idi. Çayın başladığı
yerdә su aramla vә sәs çıxarmadan axırdı, yalnız aşağıdan hansısa
şırıltı sәslәri gәlirdi.
Böyük gölün bu yerindәn çay axırdı. Buzun altından su elә
sәssiz vә aramla axırdı ki, hәrәkәti, demәk olar, görünmürdü,
38
