Page 33 - Tarey Vesos_Макет 1

Buz qəsr
Unn başını pәncәrәdәn çıxaran kimi hәlә işıqlanmamış havada
qulağına gölün buzunun cırıltısı gәldi. Sanki bu, yeni günün
başlanmasına bir işarә idi. Gecә öz otağında da uzaqdan gәlәn
cırıltı sәsi eşitmişdi. Onda bu, hәlә gecәnin bir alәmi olmasının
әlamәtiydi. Hәlә yuxuya gedә bilmәmişdi. Sisslә birlikdә keçirdiyi
hәmin axşamdan dәrhal sonra necә yata bilәrdi? Elә hey Sisslә
münasibәtlәrinin necә davam edәcәyi barәdә düşünürdü.
Xala süfrәni hazırlaya-hazırlaya:
– Dәhşәt şaxtadı, – dedi.
Evin üzәrindә soyuq ulduzlar sayrışdı. Onlar qәrb tәrәfdә
solub xәsis dekabr sәhәrinin fonunda görünmәz oldular.
Hava azca işıqlaşdı vә qırova bürünmüş ağacların görüntüsü
aydınlaşmağa başladı. Unn mәktәbә hazırlaşa-hazırlaşa ağaclara
baxdı.
Mәktәbә, Sissin yanına.
Vә bu gün başqa heç nә barәdә düşünmә!
Bu an ağlına gәlәn fikirdәn bәdәni ürpәşdi: indi, onların bu
bir neçә saatlıq üzücü ayrılığından sonra Sissin üzünә baxa
bilmәyәcәk. O, Sissi qorxutdu vә o qız Unndan qaçdı. Bundan
sonra onunla belә tez görüşmәk olmaz. Bu gün mәktәbә
getmәmәlidi. Soluxan qaranlığın içindәn çıxan şehli ağaclara
baxdı. Haradasa gizlәnmәk lazımdı. Gözә görünmәmәk. Bu gün
Sisslә görüşmәmәlidi.
Sabah hәr şey başqa cür olacaq. Bu gün isә o, Sissin gözlәrinә
baxa bilmәz.
Fikrindә başqa şey yox idi, onu qarabaqara izlәyәn yalnız bu
fikir idi.
Görüşmәk hәsrәtindә olduğu Sisslә görüşmәmәk.
Amma istәnilәn halda, hәmişәki kimi evdәn çıxmalıydı.
Mәktәbә getmәk istәmәdiyini xalasına desәydi dә, bir xeyri
olmayacaqdı. Sözü havada qalacaqdı. Xәstәliyi bәhanә gәtirmәk
artıq gec idi, hәm dә yalan danışa bilmirdi. Unn oğrun-oğrun
güzgüyә baxdı: azca da xәstәyә oxşayıb-elәmir, onsuz da, inanan
olmayacaqdı.
33