Page 28 - Tarey Vesos_Макет 1

Tarey Vesos
– Salamat qalın, çox sağ olun.
– Sәn dә, Siss. Çox sağ ol ki, gәlib bizә baş çәkdin. İndi qaç,
yoxsa donarsan. Şaxta get-gedә artır. Hәm dә yaman zülmәtdi,
göz gözü görmür. Unn, sәn niyә onun qabağını kәsib durmusan?
Onsuz da, sabah tezdәn görüşәcәksiz.
Siss:
– Hә, әlbәttә, – dedi, – gecәniz xeyirә qalsın.
Xala otağa qayıtdı, amma Unn elәcә, qapının ağzında dayanıb-
durdu. Donub-qalmışdı. Aralarında nә olmuşdu? Ayrılmaq necә
dә çәtindi. Ortada nәsә heyrәtamiz bir hiss var idi.
– Unn...
– Hә.
Siss şaxtalı gecәyә atıldı. Әlbәttә, bir az da qala bilәrdi. Vaxtı
var idi, amma buralar tәhlükәlidi. Olanlar bәs elәyәr.
Unn hәlә dә açıq qapının qarşısında dayanmışdı. Şaxtalı
hava istiyә bürmәlәnib içәri soxulurdu. Deyәsәn, Unn bunu hiss
elәmirdi.
Qaçmağa hazırlaşan Siss arxaya döndü. Unn hәlә dә işıqlı
astanada dayanıb-durmuşdu – gözәl, sirli, utancaq qız.

4

Yol kәnarında

Siss zülmәt qaranlığın qarşısındakı qorxusunu güclә boğa-
boğa evlәrinә qaçırdı.
Qәflәtәn qulağına sәs gәldi:
– Bu, mәnәm, yolun kәnarında...
Yox, yox! – yalnız bunu düşünә bildi.
– İndi mәni görәcәksәn, – yolun kәnarından sәs gәldi.
Siss qaçırdı vә hiss elәyirdi ki, kimsә onu qarabaqara izlәyir,
sanki onun nәfәsi kürәyini dalayırdı.
– Kimdi bu?
Özü dә Unnla görüşdәn dәrhal sonra!

28